Bɛ̈n 12:34 - JAM DE NHIALIC 2011

³⁴ Go diëër ke Yithriɛl guölkɛn ke wuöör thiɔ̈ɔ̈ŋ në awɛɛc nyuäŋ, ku dutkï keek në lupɔɔ, ku kɛ̈pkï ke në kekët.

Bɛ̈n 12:34 ပူးပေါင်းရင်းမြစ်များ

Bɛ̈n 12:39

Acï keek bɛ̈n dap guɔ kuɛ̈ɛ̈th bei Rip ke ke kën thät, ku kën awɛɛc guɔ mäth. Gokï kuïn nyuäŋ thaal në awɛɛc awën bïïkï keek Rip.

Bɛ̈n 8:3

Kiir abï thiäŋ kekë agueek, ka abïk Kiir nyääŋ piny, ku lek baaidu. Kɔ̈k abïk ɣet ɣöt thïn të yïn niinë, ku lek lɔ nhial agendu nɔm. Ku kɔ̈k abïk lɔ në ɣööt ke bänyku yiic, ku lɔ kɔ̈k në ɣööt ke kɔcku yiic. Ku kɔ̈k abïk kɛɛc në purundu yic, ku kɛɛc kɔ̈k në guölkuön ke wuööriic.

Math 13:33

Go ke lɛ̈k kääŋ däŋ an, “Ciɛɛŋ de paannhial acït luɔu cï ë tik nööm, go ke liääp kekë aköp wac, cït aduuk kadiäk aɣet të bï en tuak ëbɛ̈n.”