Bɛ̈n 12:27 - JAM DE NHIALIC 2011

²⁷ Ke lɛ̈kkï keek an, ‘Ee miɔ̈c ë Winythok ye wok Bɛ̈nydït door, në baŋ cï En ɣöötkuɔ winythook ɣɔn piny ë Rip, ku pɛ̈l wook, ku nɛ̈k kɔc ke Rip.’ ” Go kɔc ke Yithriɛl kemiöl tuk ku lɛ̈ŋkï.

Bɛ̈n 12:27 ပူးပေါင်းရင်းမြစ်များ

1 Lëk 29:20

Na wën ke Debid ë jɔ amatnɔm ëbɛ̈n yɔ̈ɔ̈k an, “Lɛ̈kkï Bɛ̈nydït Nhialicdun thieithieei!” Ago amatnɔm ëbɛ̈n Bɛ̈nydït Nhialic de kuarken lɛc nɔm, ku jɔkï kenïïm guöt piny, në riëëu rïïu kek Bɛ̈nydït ku melik aya.

2 Lëk 20:18

Na wën ke melik Jeɣocapat ë gut yenɔm piny, abï piny jak ë yenɔm, go kɔc kedhie kenïïm guöt piny ë yen ëtök ku lɛmkï Bɛ̈nydït.

2 Lëk 29:30

Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

Neɣe 8:6

Go Edhera lueel an, “Lɛckï Bɛ̈nydït, Nhialic dït!” Go kɔc kecin jat nhial kedhie, gamkï an, “Amiin! Amiin!” Ku guŋkï ke ke läŋ abïk piny jak në kenïïm.

Diɛt 44:1

Acuk piŋ në wo yïth, Nhialic, acï wärkuɔ lɛ̈k wo, acïk wo lɛ̈k kagɛ̈iyë cï looi në aköölken yiic, akööl ɣɔn thɛɛr:

Diɛt 78:5

Acï lööŋ gäm kɔc ke Yithriɛl, ku mɛc löŋ ke kuat de Jakop. Acï kuarkuɔ yɔ̈ɔ̈k an, bïk mïthken wɛ̈ɛ̈t në lööŋke,

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 12:11

Ku dapkï cuet ke we cï röt duöt në kake jäl, tääukï lupɔɔ në wekɔ̈ɔ̈th ku war në wecök, ku thieec në wecin. Në luɔi yen dhuëëŋ ë Winythok bä wek Ɛn door, Yɛn Bɛ̈nydït.

Bɛ̈n 12:23

Ku të le Bɛ̈nydït Rip caathic ke näk kɔc ke Rip, abï riɛm tïŋ ɣöt thok baŋë ku baŋë, ku baŋ nhial, ka cïï tuunynhial ë thuɔɔu bï bɛ tɔ lɔ ɣöndun le we nɔ̈k.

Bɛ̈n 12:28

Agokï kë cï Bɛ̈nydït lɛ̈k Mothe kekë Aron lɔ looi.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:8

Ku të cä wek dhuëëŋ gɔl, ke we ye mïthkun tɛ̈t kë yak looi ëbɛ̈n. Yak lɛ̈k keek nɔn ya wek en looi në biäk de ka wään cïï Bɛ̈nydït luöi week, ɣɔn jäl wek Rip.

Bɛ̈n 34:25

“Duökï kuïïn cï pam cï mäth ee gam të gäm wek Ɛn miɔ̈c de yic riɛm. Ku duökï biäk de rïŋ tɔ nin abï piny ruu miäk, në rïŋ de kë ë nɛ̈kë Dhuëëŋ de Winythok.

Bɛ̈n 34:8

Na wën, ke Mothe ë dap enɔm guöt piny ku lɛm.

Bɛ̈n 4:31

Agokï gam. Na wën, aa piŋkï luɔi cïï Bɛ̈nydït ciɛɛŋ cieŋ ë keek arac tïŋ, acïk kenïïm bɛ̈n guöt piny, ku läŋkï.

1 Kor 5:7

Yen waak wek luɔu thɛɛr wei, ke we bï aa awany ë piɛc nuaai, cït man wään ciën wek yiic luɔu. Nyɔɔŋdan amääl de Winythok ee guɔ nɔ̈k në baŋda, yen Kërtho.

Nyöŋ 16:2

Lakï të töŋ de läm ku näkkï thɔ̈ɔ̈kdun ku nɔn ee weŋ ëtɛ̈ɛ̈n, ke ee këcam de Winythok bä wek Bɛ̈nydït Nhialicdun riëëu.

Nyöŋ 16:5

Yak läi ke Winythok nɔ̈k të töŋ de läm, ku acïn tëdäŋ pei wundun, të bï Bɛ̈nydït Nhialicdun gäm week. Yak looi të le aköl piny, ë kaam cït thaar wään jäl wek në Rip.