Bɛ̈n 12:21 - JAM DE NHIALIC 2011

²¹ Go Mothe röördït ke Yithriɛl cɔɔl kedhie, ku lëk keek an, “Lɔ̈ckï röt nyök amɛ̈l, ku nɔn ee kek nyök bɔɔth, ku näkkï keek bïï bɛ̈ikun ke Dhuëëŋ de Winythok looi.

Bɛ̈n 12:21 ပူးပေါင်းရင်းမြစ်များ

2 Mel 23:21

Go melik kɔc yɔ̈ɔ̈k ëbɛ̈n bïk Dhuëëŋ de Winythok looi bïï kek Bɛ̈nydït Nhialicden riëëu, cït man cï ye gɔ̈ɔ̈r në awerek de Löŋ cï Macë yic.

Edhr 6:20

Në biäk ëcï bäny ke kake Nhialic ku Lebai kegup kɔn waak kapäc abïk gup ɣɛɛr kedhie. Gokï amɛ̈l ke Winythok näk kɔc wään dök ciëën ë pɛ̈cic kedhie, në biäk de mïthëkɔcken bäny ke kake Nhialic ku lɔ keek gupken ayadäŋ.

Bɛ̈n 12:11

Ku dapkï cuet ke we cï röt duöt në kake jäl, tääukï lupɔɔ në wekɔ̈ɔ̈th ku war në wecök, ku thieec në wecin. Në luɔi yen dhuëëŋ ë Winythok bä wek Ɛn door, Yɛn Bɛ̈nydït.

Bɛ̈n 12:20

Duökï kuïn cï pam mäth ee cam në bɛ̈ikuniic kedhie, yak kuïn cï pam nyuäŋ cam.”

Bɛ̈n 12:3

Guiëërkï akutnɔm de Yithriɛl ee kakë kedhie: në kööl ye pɛɛiyë thok thiëër, raan ëbɛ̈n në weyiic ë ye baaide lɔ̈c nyɔk, nyɔɔŋ bou, ku nɔn yen nyɔɔŋ amääl.

Bɛ̈n 17:5

Go Bɛ̈nydït lɛ̈k Mothe an, “Jɔt kɔc kɔ̈k në röördït ke Yithriɛliic, ku wat keek. Nöm thieny wään yup yïn Kiir.

Bɛ̈n 19:7

Ago Mothe lɔ piny, le röördït ke Yithriɛl mät nïïm tëtök, ku guïïr ke këriëëc ëbɛ̈n, kë cïï Bɛ̈nydït lɛ̈k en.

Bɛ̈n 3:16

Lɔ mat röördït ke Yithriɛl nïïm kedhie, ku lɛ̈kë keek an, ‘Yɛn Bɛ̈nydït Nhialic de kuarkun, Nhialic de Abraɣam kekë Yithaak, ku Jakop, acï tuöl tëde yɛn. Ku acï lueel an, cï we tïŋ, ku tïŋ kë luiyë week paan ë Rip.

Kuɛ̈n 11:16

Go Bɛ̈nydït lɛ̈k Mothe an, “Yiɛ̈në ya kɔc kathiërdhorou në röördït ke Yithriɛliic, kɔc lëu bääny në keyiic. Bɛ̈ɛ̈iyë keek në paany de mät thok, ku kääcë wekë keek ëtɛ̈ɛ̈n.

1 Kor 10:4

ku aake ye dek ë pïïu töŋë pïïu ke wëi: kuur ë wëiyë kuur ë ke kuany cök yen aaye kek dek ë ye: ku kuurë yen aye Kërtho.

Ɣeberuu 11:28

Gäm de yic aŋäth yen atɔ Mothe loi Dhuëëŋ de winythok, ago lɛ̈k keek an bïk rim wiɛ̈ɛ̈th në ɣöötken thook ke riäŋ bï tunynhial bɛ̈ɛ̈i cïï mïth kɛ̈i ke Yithriɛl bï nɔ̈k piny de Rip.

Jocua 5:10

Na ɣɔn, aŋoot kɔc ke Yithriɛl ke ke rɛ̈ɛ̈r ë Gilgal, në riaaŋic ë Jeriko lɔ̈ɔ̈m, ke kɔc ke Yithriɛl ë ke loi dhuëëŋ de Winythok ɣɔn thëën në kööl ye pɛɛi thok thiëër ku ŋuan.