Bɛ̈n 12:19 - JAM DE NHIALIC 2011

¹⁹ Ë cïn kë ye kuïn cï pam tɔ mäth bï nu në bɛ̈ikuniic në ee nïnkë yiic kadhorou, ke cïn raan bï kuïn mäth cam. Na lɔ raan kuïn cï pam cï mäth cam në ee nïnkë yiic, nɔn yen raan lei, ku nɔn ee yen raan ë Yithriɛl, abï tɛɛm wei në akutnɔm de Yithriɛl yiic.

Bɛ̈n 12:19 ပူးပေါင်းရင်းမြစ်များ

Bɛ̈n 12:15

Wek bï kuïïn cï pam cïnic luɔu aa cam në nïn kadhorou. Kööl tueŋ, ke we kɔn kë ye kuïïn cï pam tɔ mäth nyaai në bɛ̈ikuniic. Na lɔ raan kuïn cï pam mäth cam në ee nïnkë yiic kadhorou, ka bï tɛɛm wei në kɔc ke Yithriɛliic.

Bɛ̈n 12:20

Duökï kuïn cï pam mäth ee cam në bɛ̈ikuniic kedhie, yak kuïn cï pam nyuäŋ cam.”

Bɛ̈n 12:43

Go Bɛ̈nydït lɛ̈k Mothe kekë Aron an, “Lööŋ ke Winythok kï: Raan lei ë cie cam në këcam de Winythok.

Bɛ̈n 12:48

Ku raan kënë cueel ë cïï këcamë ee cam. Na de raan lei cï bɛ̈n piɔ̈ɔ̈t wundun, ku kɔɔr nɔn bï yen dhuëëŋ në dhuëëŋ ë Winythok, door en Bɛ̈nydït, ke we kɔn röör ke baaide cueel kedhie. Ku ëtɛ̈ɛ̈n, abï jɔ aa raan de Yithriɛl, ku aduëër jɔ mɛt ë dhuëëŋic.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:7

Në nïnkë yiic kadhorou, wek cïï kuïn cï pam mäth bï cam, ku duökï kë ye kuïn cï pam tɔ mäth tɔ tɔ̈u paandun në ee nïnkë yiic. Ayï kuïn cï pam mäth ë cïï tɔ̈u.

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Bɛ̈n 30:33

Ku raan ëbɛ̈n, raan lɔ miök cït ee miökë looi, ku le yen tɔc ke cie bɛ̈ny de kake Nhialic. Yen ee raanë abï tɛɛm wei në kɔckï yiic.”

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Lebai 23:5

Ku Winythok de Bɛ̈nydït abï looi në kööl ye pɛɛi de tök thok thiëër ku ŋuan gɔl thëën.

Kuɛ̈n 9:13

Ku na de raan jai ke cïï winythok loi ke cïn këdɛn cï ye raac guöp, ku nu ke ken keny, ke cïï be ye kuɛɛn në kɔckï yiic, në luɔi kën en ya gäm miɔ̈c në kööl cï mäc en. Ku abï ariöp de kërɛɛc dhil guum.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.