Bɛ̈n 12:16 - JAM DE NHIALIC 2011

¹⁶ Wek bï lɔ̈ŋ de amatnɔm ɣeric looi në kööl tueŋ, ku be amatnɔm ɣeric lɔ̈ŋ në kööl ye akööl dhorou. Acïn luɔi bï ya looi në aköölkë yiic, ee këcam yen abï ya thaal.

Bɛ̈n 12:16 ပူးပေါင်းရင်းမြစ်များ

Bɛ̈n 16:23

Go Mothe lɛ̈k keek an, “Acïï Bɛ̈nydït lueel an miäk ee kööl de Thabath ɣeric, köölde. Thalkï ka kaarkï ë thät, ku piäärkï ka kaarkï ë piëër, na de kë cï döŋ ke täukï miäk.”

Bɛ̈n 16:29

Ŋiɛckï nɔn ee Yɛn Bɛ̈nydït, ee Yɛn ë gëm week kööl ë Thabath. Ka yen a Yan week gäm këcam de akööl kaarou në kööl ye akööl dhetem. Raan ëbɛ̈n në weyiic ë ye rëër baaide në kööl ë dhorou, ke cïn të le yen thïn.

Bɛ̈n 16:5

Ku në kööl ye akööl dhetem, abïk kë cït kë yek nööm në kööl tök aa nööm raan rou. Ku kïïtkï kenyïïn në kuën ë kɔc ke baai.”

Bɛ̈n 20:10

Na kööl ye akööl dhorou, ee Thabath ë Bɛ̈nydït Nhialicdu. Du ee luui thïn, yïn wekë mïthku, ayï lïïmku, ayï kɔc lei rɛ̈ɛ̈r në yïn ayï läiku.

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Yith 1:13

Acïn naamde të bɛ̈ɛ̈i wek miɔ̈ckun, ee gök de kërɛɛc maan yen miɔ̈c de wal ŋïr cäk nyop, ku yɛn cïï dhuëŋkuön ke yï pɛɛi ë piac wil duëër gam, ayï kööl ë Thabath ku lɔ kööl de lɔ̈ŋ de amatnɔm, acïï awɛ̈ɛ̈ckun ke riɔ̈ɔ̈k ëbɛ̈n.

Lebai 23:21

Ku yen ee köölë manë guöp wek bï lɔ̈ŋ ɣeric looi, ku duökï lui thïn, kënë ee kë bïï lɔ̈ɔ̈k aa looi alɔ gut rem bï lɔ̈ɔ̈k bɛ̈n, abäk aa looi në ɣäänkuön rɛ̈ɛ̈r wek thïn.

Lebai 23:27

“Kööl de thiëër në ee pɛɛiyë yic, ee kööl de atɛɛm. Yak lɔ̈ŋ ɣeric looi tëtök, ku duökï cäm ee köölë, ku gämkï Bɛ̈nydït miɔ̈c ee looi në mac.

Lebai 23:35

Kööl tueŋ abï dɛ lɔŋ ɣeric de amatnɔm, duökï lui thïn.

Kuɛ̈n 28:18

Kööl tueŋ wek bï we nïïm mat në lɔ̈ŋ ɣeric yic ke cïn raan de kë looi

Kuɛ̈n 28:25

Në kööl ë dhorou yak we nïïm mat në lɔ̈ŋ ɣeric yic ku cïn raan lɔ tëde luɔi

Kuɛ̈n 28:26

Kööl tueŋ de dhuëëŋ të gam wek miɔ̈c ë rap cï kɔn luɔk Bɛ̈nydït, ke we mat we nïïm në lɔ̈ŋ ɣeric yic ku cïn raan lɔ tëde luɔi.

Kuɛ̈n 29:1

Në kööl tueŋ në ruöön ee kek dhorou wek bï we nïïm mat në lɔ̈ŋ ɣeric yic, ku acïn luɔi bï nu në ee köölë. Kɛŋ abïï ke kooth.

Kuɛ̈n 29:12

Matkï we nïïm në lɔ̈ŋ ɣeric yic në kööl ye pɛɛi de dhorou thok thiëër ku dhïc. Luöikï Bɛ̈nydït dhuëëŋ në nïn kadhorouwiic kë cïn raan lui.

Jɔn 19:31

Ku ëköölë aaye kööl ë Guiɛɛk: ago Judai piɔ̈ɔ̈th ciën luɔi bï kɔc gup tɔ̈u ë tim kɔ̈u ëkööl ë Thabath (kööl ë Thabathë aaye kööl dït), agokï Pilato lɔ̈ŋ an, bï kɔc dhuööŋ cök, ku jötë ke bei.

Nyöŋ 16:8

Në nïn kadhetem kɔ̈kkë yiic, wek bï kuïn cï pam, kuïn cïn yic luɔu aa cam, ku në kööl de dhorou we bï amatnɔm luöi Bɛ̈nydït Nhialicdun, ku acïn luɔi bäk looi ee köölë.