Bɛ̈n 12:15 - JAM DE NHIALIC 2011

¹⁵ Wek bï kuïïn cï pam cïnic luɔu aa cam në nïn kadhorou. Kööl tueŋ, ke we kɔn kë ye kuïïn cï pam tɔ mäth nyaai në bɛ̈ikuniic. Na lɔ raan kuïn cï pam mäth cam në ee nïnkë yiic kadhorou, ka bï tɛɛm wei në kɔc ke Yithriɛliic.

Bɛ̈n 12:15 ပူးပေါင်းရင်းမြစ်များ

Cäk 17:14

Ku mony kënë cueel acï bï ya raan de kɔckï yiic, në luɔi kën en mändï döt.”

2 Lëk 30:21

Go kɔc kenïïm kut në Jeruthalem ke ke loi Dhuëëŋ de Kuïn Cïnic Luɔu në miɛt ë piɔ̈ndït, në nïn kadhorou yiic, ku jɔ Lebai ku bäny ke kake Nhialic Bɛ̈nydït aa lɛc nɔm në riɛlden ëbɛ̈n aköölnyïïn kedhie.

Edhr 6:22

Ku jɔkï dhuëëŋ looi në nïn kadhorou, Dhuëëŋ de Kuïn Cïnic Luɔu, ku thiäŋ Bɛ̈nydït kepiɔ̈ɔ̈th në miɛt ë piɔ̈u në biäk cïï Yen Melik de Athiriya puɔ̈k piɔ̈u keek, ago keek kuɔny në luɔi de ɣön ë Nhialic de Yithriɛl.

Bɛ̈n 12:8

Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Bɛ̈n 30:33

Ku raan ëbɛ̈n, raan lɔ miök cït ee miökë looi, ku le yen tɔc ke cie bɛ̈ny de kake Nhialic. Yen ee raanë abï tɛɛm wei në kɔckï yiic.”

Bɛ̈n 30:38

Të le raan aŋiëër cït en luöi rɔt, yen rɔt yoor, abï tɛɛm wei në kɔckï yiic.”

Bɛ̈n 31:14

Yak kööl ë Thabath döt, në luɔi yen kööl ɣeric. Raan ëbɛ̈n raan cïï ye lɔ döt, ku le luui thïn, ke näk.

Bɛ̈n 34:18

“Dɔ̈tkï Dhuëëŋ de Kuïn Cïnic Luɔu. Ku yak kuïn cï pam cïnic luɔu cam në nïniic kadhorou në pɛɛi de Abib, cït man cän e lɛ̈k week ɣɔn, në luɔi yen pɛɛi ë jäl wek Rip.

Bɛ̈n 34:25

“Duökï kuïïn cï pam cï mäth ee gam të gäm wek Ɛn miɔ̈c de yic riɛm. Ku duökï biäk de rïŋ tɔ nin abï piny ruu miäk, në rïŋ de kë ë nɛ̈kë Dhuëëŋ de Winythok.

Lebai 17:10

Raan baai de Yithriɛl ëbɛ̈n ayï alei bï rɛ̈ɛ̈r në keyiic, ku ee riɛm cam, Yɛn bï Yanyin wɛ̈l ee raanë, ku abä tɛ̈ɛ̈m bei në kɔckï yiic

Lebai 17:14

Riɛm de kë pïïr ëbɛ̈n anu në riɛmde yic, në baŋ de ee kënë, yen ë lɛ̈kë Bɛ̈nydït kɔc ke Yithriɛl, an, cïkï bï aa cam në rïŋ ŋoot ë riɛmde në yeyic. Ku raan lɔ kë cït ee kënë looi, acïï bïï tɔ ee raan töŋ de kɔcke yiic.

Malakai 2:12

Yen abï Bɛ̈nydït kɔc ee ka cït ee kakë looi nyaai nyïïn në Yithriɛlic, ke bï ciën miɔ̈cdɛn bïk bɛ gäm Bɛ̈nydït de rɛm.

Kuɛ̈n 28:17

Ku nïn thiëër ku dhïc de ee pɛɛiyë aye dhuëëŋ rɔt cuuth në nïn yiic ka dhorou ke kɔc ë ke cam kuïn cïn yic luɔu.

Kuɛ̈n 9:13

Ku na de raan jai ke cïï winythok loi ke cïn këdɛn cï ye raac guöp, ku nu ke ken keny, ke cïï be ye kuɛɛn në kɔckï yiic, në luɔi kën en ya gäm miɔ̈c në kööl cï mäc en. Ku abï ariöp de kërɛɛc dhil guum.

Math 16:12

Na wën, ke jɔkï ŋic nɔn ë cïï en ke yöök an, bïk röt tiit në luɔu de kuïn, ee wëët en ë lueel, wëët de Parithai kekë Thadokai.

Luk 12:1

Ɣɔn aacï kuut ke kɔc jɔ guëër, kuut cïï raan ke duëër lëu ë kuɛ̈n, arëk abï kɔc kecök aa käc, ke jɔ jam gɔl kekë kɔckɛn ë piööcë an, “Yak röt tiit ë luɔi de Parithai, yen aye aguk nu ë raan yäc.

Luk 2:43

Na wën, aa cïk nïn ke dhuëëŋ thöl, ke ke jɔ kenïïm dhuny, ku döŋ Yecu mɛnhden Jeruthalem, ku kuc yï Jothep kekë man,

Luɔi 12:3

Na wën, aa cï luɔiyë tïŋ nɔn mit en ë Judai piɔ̈ɔ̈th, ke löök Petero dɔm aya. Aköölkë ayek akööl ke Dhuëëŋ de Kuïn Cïnic Luɔu.

Galatai 5:12

Yɛn duëër piɔ̈u miɛt të cï kɔc ë we tɔ diɛɛr ë wël röt tɛɛm wei.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Nyöŋ 16:5

Yak läi ke Winythok nɔ̈k të töŋ de läm, ku acïn tëdäŋ pei wundun, të bï Bɛ̈nydït Nhialicdun gäm week. Yak looi të le aköl piny, ë kaam cït thaar wään jäl wek në Rip.

Nyöŋ 16:8

Në nïn kadhetem kɔ̈kkë yiic, wek bï kuïn cï pam, kuïn cïn yic luɔu aa cam, ku në kööl de dhorou we bï amatnɔm luöi Bɛ̈nydït Nhialicdun, ku acïn luɔi bäk looi ee köölë.