Bɛ̈n 12:14 - JAM DE NHIALIC 2011

¹⁴ Ku köölë, abäk döt ke ye kööl ë dhuëëŋ ë Bɛ̈nydït. Dɔ̈tkï ku yak dhuëëŋ thïn ë run ëbɛ̈n.

Bɛ̈n 12:14 ပူးပေါင်းရင်းမြစ်များ

2 Mel 23:21

Go melik kɔc yɔ̈ɔ̈k ëbɛ̈n bïk Dhuëëŋ de Winythok looi bïï kek Bɛ̈nydït Nhialicden riëëu, cït man cï ye gɔ̈ɔ̈r në awerek de Löŋ cï Macë yic.

Diɛt 111:4

Bɛ̈nydït acïï wook ee tɔ mär nïïm në ka gɛ̈iyë cï ke looi, Yen adhuɛ̈ŋ ku ee piɔ̈u kok.

Diɛt 135:13

Bɛ̈nydït rinku abïk tɔ̈u aɣet athɛɛr, Nhialicda rɛm kedhie abïk Yïn aa tak.

Bɛ̈n 12:17

Dɔ̈tkï Dhuëëŋ de Kuïn Cïnic Luɔu, në biäk yen kööl ë bɛ̈ɛ̈i Yɛn dhiëënkun bei paan ë Rip. Dɔ̈tkï ke we bï yɛn aa dhuëëŋ thïn në ruöön thok ëbɛ̈n.

Bɛ̈n 12:24

Dɔ̈tkï ë lööŋkë në mïthkun ë caaŋdun.

Bɛ̈n 12:43

Go Bɛ̈nydït lɛ̈k Mothe kekë Aron an, “Lööŋ ke Winythok kï: Raan lei ë cie cam në këcam de Winythok.

Bɛ̈n 12:6

Na thëën, në kööl ye pɛɛi thok thiëër ku ŋuan, ke amatnɔm de akutnɔm de Yithriɛl ëbɛ̈n ë ke jɔ näk nyök.

Bɛ̈n 23:15

Ku yak Dhuëëŋ de kuïn cïnic luɔu looi cït man cän e thɔ̈n week. Yak Dhuëëŋ de Kuïn Cïnic Luɔu looi cït man cän e thɔ̈n week në pɛɛi de Abib, pɛɛi wään jäl wek Rip. Yak kuïn cï pam cïnic luɔu cam në nïn ke dhuëëŋiic kadhorou. Ku raan ëbɛ̈n ë weyiic ë lam Ɛn në miɔ̈c.

Bɛ̈n 27:21

Aron kekë wɛ̈ɛ̈tke ë ke tɛ̈ɛ̈u manyëalath në paany de mätic në gëlgël kɔ̈u biic në athänduŋ de mät nɔm tueŋ. Ku ë ye tɔ dɛ̈p ë Yanɔm tueŋ ëtɛ̈ɛ̈n gɔl thëën agut cï run ë piny. Kɔc ke Yithriɛl ayï mïthkɛn bï lɔ̈ɔ̈k tɔ̈u në kecök ë ke döt ee löŋë ananden.”

Bɛ̈n 5:1

Go Mothe kekë Aron lɔ tëde melik ë Rip, lek lɛ̈k en an, “Acïï Bɛ̈nydït lueel, Nhialic de Yithriɛl an, ‘Tɔ kɔckï jäl, lek dhuëëŋ bïï kek Ɛn näk looi ë jɔ̈ɔ̈ric, dhuëëŋ bï Ɛn miët piɔ̈u.’ ”

Edhekiɛl 46:14

Ayadäŋ miɔ̈c ë rap ye thëmde kilɔɔ kadhïc abï aa looi miäk rial aköölnyïïn, kekë aguun töŋ de miök de olip ye liääp kekë aɣaar. Lööŋ ke miɔ̈cë bïï aa gäm Bɛ̈nydït abïk dhil aa tɔ̈u tëden aɣet athɛɛr.

Lebai 23:6

Ku Dhuëëŋ de Kuïn Cïnic Luɔu abï rɔt gɔl në kööl ye pɛɛi thok thiëër ku dhïc, në ee pɛɛiyë yic, wek bï kuïn cïn yic luɔu cam në nin kadhorou yiic.

Dhek 6:14

Ku göl abï tɔ̈u Luaŋdït, ke bï Ɣeledai aa täk nɔm, kekë Tobija, ku Jothia wën ë Dhepania. Tobija, Jedaya, ku Jothia.”

Kuɛ̈n 10:8

Ku ee wɛ̈ɛ̈t ke Aron, bäny ke kake Nhialic kek abï kɛŋ aa kooth. “Ku kënë ee cöök bäk döt anandun agut cï rɛm bɔ̈ ciëën.

Kuɛ̈n 15:15

Kek ee lööŋkë abïk tɔ̈u në week, ku tɔ̈ukï në kɔc alɛi rɛ̈ɛ̈r në week anande. Week në keek wek thööŋ wedhie në Bɛ̈nydït nɔm.

Kuɛ̈n 16:40

Yen ee kënë, aaye jäny jiëënyë kɔc ke Yithriɛl, nɔn cïn en raan däŋ pei bï wɛ̈ɛ̈l ŋïïr ye nyop bï ya gam në yïk nɔm, të cïn kuat de Aron. Na lɔ raan däŋ ye gam, ka abï riɔ̈ɔ̈k cït man ë Kɔra kekë kɔcke. Go Eleyadhar këriëëc cïï Bɛ̈nydït lɛ̈k Mothe looi.

Kuɛ̈n 18:8

Go Bɛ̈nydït lɛ̈k Aron an, “Cït man ŋic yïn en nɔn cän yïn gäm miɔ̈c kënë nyop ye gäm Ɛn ëbɛ̈n. Acä keek gäm yïn wekë mïthkuön bï lɔ̈ɔ̈k tɔ̈u në yïcök aɣet athɛɛr.

Math 26:13

Wek yɔ̈ɔ̈k ëyic an, “Baai ëbɛ̈n të bï wëlpiɛthkë aa guiir thïn ë piny nɔm ëbɛ̈n, ayï kënë aya kë cïï tiiŋë looi abï lueel në täŋ bï kɔc këde aa tak.”

Luk 22:19

Na wën, ke nöm kuïn cï pam, ku leec Nhialic, ku wɛ̈ɛ̈kic, ku yïn keek, lueel an, “Guöpdï kï, guöpdiën cï gam në baŋdun week, yak kënë looi në täŋ bä wek wenïïm aa tak në yɛn.

Nyöŋ 16:1

Go Mothe lueel an, “Riëëukï Bɛ̈nydït Nhialicdun, në luɔi bä wek dhuëëŋ de Winythok aa looi në pɛɛi de Abib, në biäk yen wakɔ̈uwë yic, në ee pɛɛiyë yic, yen aa luɛ̈k Yen week ë Rip.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Nyöŋ 6:8

Duöötkï keek në we kök ku cieŋkï keek në wenïïm tueŋ ke ke bï we aa täk nïïm.

Jocua 4:7

Abäk aa lɛ̈k keek nɔn ë cïï wɛ̈ɛ̈r de Jordan kɔ̈ɔ̈c në wat ɣɔn tëëm athänduŋ de män ë Bɛ̈nydït kiir kɔ̈u. Ka kurkë, abïk kɔc ke Yithriɛl aa täk nïïm ë caaŋden, në kë ë cï rɔt looi eenë.”

1 Tham 30:25

Kënë acï Debid looi ke ee löŋ, ku acï kɔc ke Yithriɛl bɛ̈n kuany cök agut cï ee köölë.