Bɛ̈n 11:3 - JAM DE NHIALIC 2011

³ Ku Bɛ̈nydït acï kɔc ke Rip tɔ rïïu kɔc ke Yithriɛl gup. Ago bäny ke melik Mothe dhuëëŋ guöp, ku dhuëëŋ ë kɔc ke Rip en guöp aya, ku tɔkï ee raan dït.

Bɛ̈n 11:3 ပူးပေါင်းရင်းမြစ်များ

Cäk 12:2

Yïn bä gäm mïth juëc. Ku abïk aa jur dït. Ku yïn bä thieei, ku rinku abä ke tɔ ŋic ë kɔc juëc. Ku yïn bä tɔ ya athiɛɛi.

Cäk 39:21

Ku Bɛ̈nydït atɔ̈u ke Jothep, ku ye Jothep nyuöth nhiëër agɔk. Ku tɔ nhiɛɛr ë raan ee kɔc mac tiit.

2 Tham 7:9

Yɛn cï tɔ̈u wo yïn në ɣään cï yïn ke lɔ thïn ëbɛ̈n, ku tiaam kɔc ke aterdu në yïnɔm. Ku yïn bä tɔ de kɛt cï bäny dït ke piny nɔm.

Ethta 9:4

në biäk ye Modekayo raan dït ɣöndïït ë Melik, ku luɔi yen raan ril, ë tïc ë wuötiic kedhie, ku riɛlde alɔ ke ŋuak rɔt.

Diɛt 106:46

Acï kɔc yɔŋ keek tɔ kok piɔ̈ɔ̈th në biäkden.

Bɛ̈n 12:35

Go kɔc ke Yithriɛl kë cïï Mothe lɛ̈k keek looi, gokï kɔc ke Rip lip në aduuk ke adhääp, ku ateek, ku lupɔɔ.

Bɛ̈n 12:36

Go Bɛ̈nydït kɔc ke Rip tɔ rïïu kɔc ke Yithriɛl, gokï ke gäm kakɛn cïk lip. Yen kueer ë jɔt ë kɔc ke Yithriɛl këriëëc de Rip ka ëbɛ̈n.

Bɛ̈n 3:21

“Wek bä tɔ rïïu ë kɔc ke Rip, na miäk aa jälkï ke we cï bï jäl ë wecin.

Yith 60:14

Kuat de kɔc yɔŋ week abïk bɛ̈n ku tukkï kemiɔl piny nyooth kek riëëuden. Kɔc wään ee yïn biɔɔn guöp, abïk lam në yïcök piny. Abïk yïn cɔɔl an, ‘Pänydïït de Bɛ̈nydït.’ ‘Dhiɔn, pänydït de Nhialic Ɣeric de Yithriɛl.’

Luɔi 7:22

Go Mothe wëët në pɛlënɔm ë kɔc ke Rip ëbɛ̈n, acï aa raan ril ë wël ku luɔi.

Nyöŋ 34:10

Ku acïn tiët cï kɔn tɔ̈u paan de Yithriɛl tiët cït Mothe. Bɛ̈nydït aaye jam kekë yen ke ke tuööm nïïm.

Nyöŋ 34:11

Ku acïn tiët däŋ cï kagɛ̈iyë ku göök looi cït man ë ka wään cï Bɛ̈nydït Mothe tooc bï ke lɔ luöi melik de Rip kekë bänyke ku paande ëbɛ̈n.

Jocua 4:14

Ku Bɛ̈nydït ë Jocua bɛ̈n dhuëëŋ guöp arëët në kɔc ke Yithriɛl nïïm kedhie. Agokï Jocua bɛ̈n riëëu guöp anande, cït man wään rïïu kek Mothe.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.