Bɛ̈n 11:10 - JAM DE NHIALIC 2011

¹⁰ Mothe kekë Aron acïk göök gɛ̈ɛ̈iyë ke bɛ̈n looi kedhie në melik nɔm, ku Bɛ̈nydït acï melik tɔ ril nɔm, go kɔc ke Yithriɛl pɛ̈n jäl pinyde.

Bɛ̈n 11:10 ပူးပေါင်းရင်းမြစ်များ

Jop 9:4

Nhialic apel nɔm ku aril, eeŋa bï mëën ke Yen, ku tiɛɛm?

Bɛ̈n 10:20

Go Bɛ̈nydït melik tɔ ril nɔm, go melik mïth ke Yithriɛl pɛ̈n jäl.

Bɛ̈n 10:27

Go Bɛ̈nydït melik tɔ ril nɔm, ago ke kɛ̈n tɔ jël.

Bɛ̈n 12:1

Go Bɛ̈nydït jam kekë Mothe ku Aron ë Rip lueel an,

Bɛ̈n 3:19

Ku aŋiɛc nɔn cïï melik de Rip we bï puɔ̈l ajäl të kënë ye kɔn miɛn, ku tɔ päl we ajäl në riɛl.

Bɛ̈n 4:21

Go Bɛ̈nydït bɛ lɛ̈k Mothe an, “Të cïn lɔ Rip, ke them ëgɔk nɔn looi yïn kake gäi kedhie në melik nɔm, ka cän ke yï gäm riɛlden. Ku melik abä tɔ ril nɔm, ka cïï kɔc ke Yithriɛl bï puɔ̈l ajël.

Bɛ̈n 7:3

Ku melik abä tɔ ril nɔm, ka acïï jamdun bï piŋ. Ku cïn këdunic thïn në ka gɛ̈ɛ̈iyë ke juëc bä looi Rip. Yɛn bï Rip luöi këtuc, ku kuɛ̈ɛ̈th kɔckï bei pinyden.

Bɛ̈n 9:12

Ku Bɛ̈nydït ë melik bɛ̈n tɔ ril nɔm cït man wään cïï Yen e lueel an melik acïï jam de Mothe bï piŋ kekë Aron.

Yith 63:17

Eeŋö yïn wo tɔ mär kueerdu? Eeŋö yïn wo tɔ ril nïïm abuk röt yal wei në kueerdu yic? Bä ciëën, në biäk de kɔc ee yïn luööi, ku në biäk de dhiëën ee kaku.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

Romai 9:22

Ku na Nhialic, të de yen piɔ̈u luɔi bï en agönhde nyuɔɔth, ku tɔ riɛlde ŋic, eeŋö däŋ, acakaa yen ë cï töny ke agɔ̈th guum në liɛɛr dïït ë yenpiɔ̈u, kek töny cï röŋ në riääk bï ke riɔ̈ɔ̈k,

Nyöŋ 2:30

“Ku Thiɣon melik de Ɣecbon ëbɛ̈n jai ku cïï wook pɛ̈l luɔi bï wek tëëk paanden, në cïï Bɛ̈nydït Nhialicdun yen tɔ ril nɔm ago tääu në wecin. Ku tiamku, rumku pinyde ëbɛ̈n.

Jocua 11:20

Aake cïï Bɛ̈nydït tɔ gam tɔŋ në Yithriɛl, në luɔi bïï ke riɔ̈ɔ̈k taitai, ku näk keek të cïn kokdepiɔ̈u. Yen kë ɣɔn thön ë Bɛ̈nydït Mothe ka.

1 Tham 6:6

Eeŋö duɛ̈ɛ̈rkï wenïïm tɔ ril cï melik de Rip kekë kɔcke? Wään bïï Nhialic ke luöi këtuc acïk kɔc ke Yithriɛl bɛ̈n pɔ̈l ajäl ë Rip.