Bɛ̈n 10:21 - JAM DE NHIALIC 2011

²¹ Go Bɛ̈nydït bɛ lɛ̈k Mothe an, “Yaakë yïcin nhial, ku mɔ̈ɔ̈th dïït lɔ cɔ̈t abï bɛ̈n piny ë Rip, mɔ̈ɔ̈th dïït duëërë jak.”

Bɛ̈n 10:21 ပူးပေါင်းရင်းမြစ်များ

Jop 5:14

Ayek kɔ̈th ë mɔ̈ɔ̈thic aköl, ku jɔkï lɔ päthpäth të kɛ̈ɛ̈c akɔ̈l cil cït wakɔ̈u.

Diɛt 105:28

Nhialic acï mɔ̈ɔ̈th tuöc ee paanë, ku kɔc ke Rip akënkï löŋde bɛ̈n riëëu.

Diɛt 35:6

Tɔ kueerden colic ku le rieethrieeth, ku jɔ tunynhial ë Bɛ̈nydït keek yuöp piny!

Diɛt 78:49

Acï keek yiɛ̈n gökdïït de riääk, wën wɛ̈l en agönhde në ŋeeny dït aläl, ŋeenydɛn ë bɔ̈ cït tuny de thuɔɔu.

Bɛ̈n 7:19

Ku lëk ë Bɛ̈nydït Mothe an, “lɛ̈kë Aron ë nöm thienyde, ku ë yɛɛk nhial ë pïïu ke Rip nïïm ëbɛ̈n, pïïu ke wɛ̈ɛ̈r, ku pïïu ke liɛl, ku pïïu ke wëk, ku pïïu ke awuul, ke pïïu ë ke bï röt puk aye riɛm piny ë Rip ëbɛ̈n, alɔ gut ë pïïu nu në tönyiic, ku thɛ̈kiic në ɣöötiic.”

Bɛ̈n 9:22

Na wën, ke lëk ë Bɛ̈nydït Mothe an, “Yaakë yïcin nhial, ke deŋ ë kɔɔi ë bï tuɛny piny ë Rip ëbɛ̈n, tuëny kɔc, ku läi, ku këriëëc ee cil ëbɛ̈n roor.”

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Wɛ̈ɛ̈t 2:14

Raan pelnɔm ee daai, ku raan piɔlpiɔ̈u ee cath ë mɔ̈ɔ̈thic.” Ku acä bɛ̈n yök aya, nɔn ye kek thou kedhie.

Wɛ̈ɛ̈t 6:4

Në biäk ye bɛ̈n athɔ̈ɔ̈r bei ɣɔ̈ric, ku lee ë mɔ̈ɔ̈thic, të cïï rinke ee bɛ piŋ.

Edhekiɛl 32:7

Të lan yïn lɔ riɔ̈ɔ̈k, Yɛn bï tënhial kum ku cuɔth kuɛl. Akɔ̈l abï thiaan në luäät kɔ̈ɔ̈th, ku pɛɛi acïï piny bï meer.

Math 27:45

Na wën, ë thaar kadhetem, ke piny jɔ guɔ cuɔl ëbɛ̈n, aɣët thaar kadhoŋuan.

Mak 15:33

Na wën, aa cï thaar aa dhetem, ke piny ë jɔ guɔ cuɔl ëcut ë piny nɔm ëbɛ̈n aɣët thaar kadhoŋuan.

Luk 23:44

Na wën, të cït thaar kadhetem, ke mɔ̈ɔ̈th bɔ̈ ë piny nɔm ëbɛ̈n aɣet thaar ë dhoŋuan, akɔ̈l ë määr: ku jɔ lupɔ dïït de Luaŋdït yic rɛɛt ë ciɛɛlic.

Nyöŋ 1:30

Bɛ̈nydït Nhialicdun, raan nu ë wenïïm abï week thäär tɔŋ, cït man wään cï Yen e luöi week ë Rip, ke we daai në wenyïïn.

Nyöŋ 28:29

We bï aa tɔ̈u ë paarpaar aköl cït man ë raan cï cɔɔr, ku we cïï kueerdun bï yök thar. Wek cïï bï kuɛth në këriëëc yak looi yic ëbɛ̈n. Wek bïï aa yɔŋ ë ceŋ, ku rum week, ku abï ciën raan kony week.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

2 Pet 2:17

Kɔckë ayek yith cïn yiic pïïu, ku yek luäät kuɛɛth amaŋ, kɔc cï duëër adur täu keek aɣet athɛɛr.

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

Juda 1:13

Acïtkï apiöŋ de wɛ̈ɛ̈r apiöŋ ee rɔt miɔɔk, abïk ayärden gut cït man ë amoth. Acïtkï kuɛl ee tai, luɔi cï Nhialic duëëradur col ëcut tɔ̈ɔ̈u bï aa këden aɣet athɛɛr.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.