Bɛ̈n 1:20 - JAM DE NHIALIC 2011

²⁰ Go Nhialic amadhiëëth ŋiëc luööi apiɛth. Go kɔc ke Yithriɛl jɔ kɛɛr, ku jɔkï juëc arëët.

Bɛ̈n 1:20 ပူးပေါင်းရင်းမြစ်များ

Diɛt 103:11

Acït man ye tënhial mɛc kekë piny yen ee täu de nhiëërdɛn agɔk tëde kɔc ee Yen riëëu.

Diɛt 111:5

Bɛ̈nydït ee këcam gäm kɔc ee Yen riëëu, acïï nɔm ee määr në mände.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Bɛ̈n 1:12

Ku ëtɛ̈ɛ̈n, të cïï kɔc ke Yithriɛl miɛn, ayek jɔ kɛɛr arëët, ku jɔkï lɔ ke ke thiëi wut ëbɛ̈n. Go kɔc ke Rip riɔ̈ɔ̈c në keek.

Bɛ̈n 1:19

Gokï puk nɔm an, “Diäär ke Ɣeberuu acïkï cït diëër ke Rip.” Ayek dap dhiëth ëthiäu, ka yek mïthken guɔ dhiëëth ke cïn raan tök në woyiic cï kɔn ɣet të nu kek thïn.

Bɛ̈n 1:7

Ku löök mïthken kɛɛr arëët në kecök. Gokï juëc arëët ke ke ril. Gokï Rip thiɔ̈ɔ̈ŋic.

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Kɛ̈ŋ 19:17

Raan ee kɔc kuanynyïïn miɔɔc ee Bɛ̈nydït miɔɔc, ku abï cuööt.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Yith 3:10

Lɛ̈kkï kɔc piɛthpiɔ̈ɔ̈th an, “Kakun abïk piath në luɔi bä wek piɔ̈ɔ̈th miɛt në käŋiic kak ë luɔidun.

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.