Bɛ̈n 1:17 - JAM DE NHIALIC 2011

¹⁷ Ku amadhiëëth acïk bɛ̈n riɔ̈ɔ̈c në Nhialic, gokï jam de melik kɛ̈n bɛ̈n gam. Acïk mïthwät bɛ̈n aa puɔ̈l apïïr.

Bɛ̈n 1:17 ပူးပေါင်းရင်းမြစ်များ

Cäk 20:11

Ago Abraɣam puk nɔm an, “Kënë aa luɔɔi në baŋ ŋiɛc ɛn en nɔn cïn en raan töŋ ee riɔ̈ɔ̈c në Nhialic wut eenë, ka aŋiɛc nɔn bï kek ɛn nɔ̈k ku nömkï tiiŋdï.

Cäk 42:18

Na në kööl ë ye akööl diäk, ke lëk ë Jothep keek an, “Yɛn ee raan ee Nhialic riëëu. Kueer töŋ duɛ̈ɛ̈r ɛn we kony wëi kï:

2 Tham 24:4

Ku melik acï Jowap kekë bäny ke rem de tɔŋ tɔ gam jamde, gokï melik nyääŋ piny lek kɔc ke Yithriɛl kueen.

Neɣe 5:15

Bɛ̈ny ëbɛ̈n bɛ̈ny ɣɔn cï tɔ̈u ë yanɔm tueŋ aake cï röt tääu në kɔc yiëth, ku aake ye wëu ke atek kathiërŋuan kɔɔr tëde kɔc ke ye këcam ku mɔ̈u në kööl tökic. Ayïï lïïmken aake ye kɔc yɔŋ, ku yɛn kën luui aya, në biäk yan Nhialic riëëu guöp.

Ethta 3:3

Go kɔc kɔ̈k lui baai de Melik yen aa thiëëc në kë yen jaai në jam cïï Melik lueel,

Diɛt 31:19

Piathdu adït, piathduön cï täu kɔc ee yïn riëëu! Ku cï gäm kɔc ee yïn ŋɔ̈ɔ̈th, ke bïï kɔc aa tïŋ.

Bɛ̈n 1:18

Na ɣɔn, ë kööl tök, ke melik ë cɔl amadhiëëth, ku lop keek an, “Eeŋö ee kë luɔikï yë? Eeŋö päl wek mïthwät ke Ɣeberuu apïïr?”

Bɛ̈n 1:21

Ku Nhialic amadhiëëth bɛ̈n gäm bɛ̈i ke nïïmken, në luɔi ë cï kek Nhialic riëëu guöp.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Wɛ̈ɛ̈t 12:13

Kë ciëën bä lɛ̈k yïn në ee kakë cök kedhie yekï: Ye riɔ̈ɔ̈c në Nhialic, ku döt lööŋke, në baŋ ye kënë luɔɔi de raan ëbɛ̈n.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Danyel 6:13

Agokï ja lɛ̈k melik, an, “Danyel, raan töŋ ë kɔc wään pec ë Juda, acïï yïn ee riëëu ku acïï löŋ cï tääu piny ee theek. Ee cool ë läŋ raan diäk ë kööl tökic.

Ɣodh 5:11

Yithriɛl ayɔŋ, acï dumic në baŋ kuɛny en ɣääriic cök.

Maika 6:16

Kënë abï rɔt looi në biäk cä wek lööŋ rac ke melik Omri kekë wëndɛn melik Aɣap kuany yiic. Wek cï kë yek lɛ̈k week lɔ̈ɔ̈k aa looi, ku wek bä tɔ riäk, ka wek bïï raan ëbɛ̈n dhɔ̈l gup. Ku kɔc ke pinynɔm kedhie, abïk week aa luööi arac abï we luööi në män.”

Math 10:28

Ku duökï ë riɔ̈ɔ̈c ë kɔc näk raan guöp tei, ku cïkï wëi ke raan lëu ë näk, aŋuän luɔi bä wek aa riɔ̈ɔ̈c në Raan ë wëi ke raan lëu ë näk ayï raan guöp aya ë giɛna yic.

Luk 12:5

Ku we bä nyuöth raan bä wek aa riɔ̈ɔ̈c ë yen: Yak riɔ̈ɔ̈c në raan ë kɔc kɔn nɔ̈k abïk thou, na ëlë, ke de riɛl bï en ke cuat ë giɛna yic, yeka, wek yɔ̈ɔ̈k an, Yak riɔ̈ɔ̈c në yen!

Luɔi 5:29

Go Petero kekë tuuc kɔ̈k agokï bɛ̈ɛ̈r an, “Wo bï jam e Nhialic dhil piŋ awär ke lueel kɔc.

1 Tham 22:17

Na wën ke melik ë yɔ̈ɔ̈k kɔckɛn ë ye tiit tɔ̈u ë yelɔ̈ɔ̈m an, “Pɔ̈kkï röt ku näkkï bäny ke kake Nhialic de Bɛ̈nydït në luɔi cï kek mat në Debid. Aŋickï nɔn kɛt en, ku akënkï lɛ̈k ɛn.” Go kɔc ee melik tiit jaai në luɔi bï kek kecin tääu në bäny ke kake Bɛ̈nydït gup, bïk keek nɔ̈k.