Bäny 9:45 - JAM DE NHIALIC 2011

⁴⁵ Go tɔŋ rɔt cuuth në ee köölë yic ëbɛ̈n. Ago Abimelek wut peec, ku nɛ̈k kɔcke, ku jɔ wut riɔ̈ɔ̈k ku weer amilɔ në yeyic.

Bäny 9:45 ပူးပေါင်းရင်းမြစ်များ

1 Mel 12:25

Go Jerobowam wun cɔl Cekem yïk në piny ë kuur de Eparaim yic, ku le yök ke rɛ̈ɛ̈r ëtɛ̈ɛ̈n. Go bɛ jäl lee wun cɔl Penwɛl yïk.

2 Mel 3:25

Ku riäkkï wuötken ku duum ke tiim ee luɔk ë mïth piɛth ëbɛ̈n, acïk duum ëbɛ̈n cuɛ̈t yiic kur, arëk abïk yiic thiäŋ, ku tɔkï nyïïn ke pïïu kääc ëbɛ̈n, ku yepkï tiim piɛth ëbɛ̈n. Ee wun cɔl Kirɣereth yen aa dɔ̈ŋ kekë kurke, go rem ee moc ë kɔi ye lɔ̈ɔ̈k tuɔɔk ku dɔmkï.

Diɛt 107:34

Piny ee ŋiëc luɔk acï tɔ ee piny de yic dhiai, në biäk de rɛ̈ɛ̈c de kɔc ceŋ ëtɛ̈ɛ̈n.

Edhekiɛl 47:11

Ku pïïu tɔ̈u në pɔ̈liic ku awuul tɔ̈u ë wɛ̈ɛ̈r yɔu, acïï keek bïï tɔ piɛth. Abïk tɔ̈u ëtɛ̈ɛ̈n ke ke bïï amilɔ aa yök thïn.

Dhep 2:9

Ku në biäk de ee kënë, Yɛn Bɛ̈nydït de rɛm pïïr, Yɛn ë kuëëŋ nɔn bï yɛn Mowap kekë Ammon dhiɛl tɔ cït Thɔdom, ku Gomoora, abï ya piny de amilɔ ku puɔ̈l, ku ee piny ee yuööt yen bï rɔt jɔt thïn, ku cïn raan ceŋe anande. Abïï jurdiën lik cï döŋ apïïr ke yak ku nömkï pinyden.

Nyöŋ 29:23

Duum abïk aa riaaŋ cie luɔk, piny cï thiäŋ ke thulpur ku amilɔ, acïn kë bïï com thïn, ayï wal acïkï bï ciɛl ëtɛ̈ɛ̈n, pinydun abï ciët pɛ̈ɛ̈nydït ke Thɔdom, ku Gomoora, ku Adma, ku Dheboyim, wään cïï Bɛ̈nydït ke riɔ̈ɔ̈k ɣɔn cï yen gɔ̈th aläl,

Jakop 2:13

Raan ee käŋ looi ë giɛɛŋ, ke löŋde abï guiir ë giɛɛŋ, ku acïn kokdepiɔ̈u bï yök, ku kokdepiɔ̈u ee rɔt leec ë kööl ë guiëërëlöŋ.

Bäny 9:44

Të wën jɔ Abimelek kekë kɔcke röt baan lek wut gël thok. Go akuut kaarou röt baan të tɔ̈u ë kɔc ë duumiic ku nɛ̈kkï keek ëbɛ̈n.