Bäny 9:27 - JAM DE NHIALIC 2011

²⁷ Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.

Bäny 9:27 ပူးပေါင်းရင်းမြစ်များ

Diɛt 109:17

Anhiaar aciɛɛn, ku tɔ aciɛɛn lööny ë yekɔ̈u! Aman bïï athiɛɛi gam, tɔ cïn raan gëm en athiɛɛi!

Bɛ̈n 32:19

Na wën ɣëët Mothe tëthiɔ̈k, ku tïŋ miɔɔr, ku tïŋ kɔc acɔ̈ŋ, ke riääk piɔ̈u arëët. Go kur wën ɣɛ̈ɛ̈c cuat piny ë kuur thar ëtɛ̈ɛ̈n, agokï kɔ̈ɔ̈th dhuɔɔŋ.

Bɛ̈n 32:6

Na ɣɔn amiäk aduduur, ke ke bïï miɔ̈c ye nyop ëbɛ̈n, ayï miɔ̈c bï gam ke ye miɔ̈c de mät. Ku jɔ kɔc nyuc piny ciëmkï ku dëkkï. Na wën, ke ke jɔt röt cöŋkï.

Jeremia 25:30

“Ku yïn Jeremia, yïn bï këriëëc cä lueel ëbɛ̈n guiir. Yïn bï ee kɔckë dhil yɔ̈ɔ̈k an, ‘Bɛ̈nydï abï wuur tënhial, ku rel tëdɛn ɣeric nhial ya. Abï wuur ë kɔcke gup, abï kïïu cï raan dum enapic. Abï raan ëbɛ̈n piŋ ë piny nɔm,

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Bäny 16:23

Go bäny ke Pilithiin keyiic määt në luɔi bïï kek yanhden Dagon lɔ luöi dhuëëŋ ku bïk lɔ näk. Agokï diɛt ket an, “Yanhda acï wo tɔ tiam Thamthon raan de aterda!”

Bäny 8:33

Në thon ë Gidiɔn cök, kɔc ke Yithriɛl akënkï bɛ aa döt tëde Nhialic, gokï Baal lam. Ku tɔkï Baal Berith ee yanhden.

Bäny 9:26

Go Gaal wën de Ebed bɛ̈n Cekem kekë mïthëkɔcken, go kɔc ke Cekem yen gäm aŋäth.

Bäny 9:4

Ku gɛmkï atek kathiërdhorou në wëu ke luaŋ de Baal Berith yic, ago Abimelek ke nööm riɔp en ke kɔc cï gam bïk en kuany cök.

Bäny 9:46

Na wën aa piŋ ë kɔc rɛ̈ɛ̈r ë aloocdïït bɛ̈ɛ̈r de Cekem ee kënë. Gokï lɔ thiaan në kɛ̈l ke luaŋ ë Baal Berith yiic.

1 Tham 17:43

Go lɛ̈k en an, “Ye tak ya jö, ka yïn jɔ bɛ̈n wekë thieec ë yïciin?” Go Debid läm yanhden.