Bäny 8:27 - JAM DE NHIALIC 2011

²⁷ Go Gidiɔn yath cuëëc në adhääp, ku tɛ̈ɛ̈u piny ë Opera wunden. Kɔc ke Yithriɛl kedhie acïk bɛ̈n wäc në luɔi ye kek en lam ëtɛ̈ɛ̈n. Ku kënë aaye wïn ë dɛ̈p tëde Gidiɔn kekë baaide.

Bäny 8:27 ပူးပေါင်းရင်းမြစ်များ

Diɛt 106:35

Ku acïk bɛ̈n liääp ku thiakkï juöör, ku dɔmkï ciɛɛŋ de kɔc kuc Nhialic.

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Bɛ̈n 23:33

Duökï keek tɔ rɛ̈ɛ̈r pinydun. Të la we ke tɔ rɛ̈ɛ̈r pinydun, abïk week meet në läm de yiëthken, ku tɔkï we lui Ɛn kërac. Të la wek yiëthken lam, abï aa dɛ̈p dïït deepë week.

Bɛ̈n 32:4

Na wën, ke ke nööm Aron keek, ku lëëŋ ke, ku luuŋ adhäm cï lɛ̈ɛ̈ŋ në këde cuɛ̈cic, ku cuëëc en dan adhääp.” Na wën, ke lueel ë kɔc an, “Yithriɛl, Nhialicduön wään bïï we bei paan ë Rip kï!”

Bɛ̈n 34:16

Ku duökï wɛ̈ɛ̈tkun bï tɔ thiak duet lei. Aduëër ë diäär ke thɛl në läm ë yiëthiic ku pälkï Yɛn.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Edhekiɛl 7:20

Wään aake ye röt kɔn lɛɛc në guëtken, ku acïk ke bɛ̈n looi kek yiëth racken bɛ̈n looi. Yeka cïï Bɛ̈nydït kajuëcken tɔ riääk.

Ɣodh 2:2

“Jänykï mɔɔrdun mïthkï, na cakaa nɔn cï yen a puɔ̈l ku tɔ rɔt ee tiiŋ ë mony däŋ. Jamkï në yen, takï päl kɔ̈ɔ̈r ë röör ku cäth thïn. Ku ë cïï rɔt be gäm röör.

Ɣodh 3:4

Ku yen kë bï mïth ke Yithriɛl tɔ rɛ̈ɛ̈r ka të cïn melik, ku të cïn bäny në aköölkë yiic. Ku acïn miɔ̈c bïk bɛ gam, ayï kur ɣeriic. Ku abïk nïïm ciën lupɔɔ ke ajïpɔ, ku cïnkï nïïm yiëth.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.

Nyöŋ 7:25

Nyuɔpkï yiëthken. Duökï piɔ̈ɔ̈th bï dɛ ateek ayï adhɛ̈p nu ë kekɔ̈ɔ̈th, ku duökï ke döm röt. Na lak looi wäkya abïk rac aläl, në baŋ mɛɛn ë Bɛ̈nydït Nhialic läm de yiëth.

Bäny 17:5

Ku Maika aa de nɔm tëdɛn ye kɔc lam thïn. Acï yiëth kɔ̈k ke baaiden looi, ku kuɛny wëndɛn tök ë wɛ̈ɛ̈tke yiic, tɔ ye guuc.

Bäny 18:14

Go kɔc kadhïc wään cï Laic lɔ neem lɛ̈k mïthëkɔcken an, “Ŋiɛckï nɔn de yen yïk ee tënë, ku tim cï guaŋ ke ye yath, ku ade yiëth kɔ̈k ku ajïpɔ, eeŋö buk looi?

Bäny 18:17

Ku lɔ röör kadhïc wään neem wut ku nömkï tim cï guaŋ ke ye yath, ku ajïpɔ ku yiëth kɔ̈k, ku kääc guuc kekë bot kadhetem ke kɔc ë tɔŋ ë kal thok.

Bäny 2:2

Duökï löŋ mac në juöör ceŋ ee pinyë. Wek bï yïïkken dhil thuöör piny, ku wek kën kë cä lɛ̈k week looi. Wek cï jamdï rɛɛc piŋ.

Bäny 2:3

Ku ënɔɔnë abä lueel aya an, “Acä keek bï bɛ cop në wenïïm, ku abïk aa kuɔɔth guut weyöth. Ku yiëthken abïk aa wïïn ke dɛ̈p tëde week.

Bäny 6:11

Na wën ke tunynhial ë Bɛ̈nydït bɔ̈ ku nyuuc wun de Opera në tim de ɣok thar, tim de Jowac, raan dhiën de Abiedher. Ku Gidiɔn wënde aa kɔ̈m agamɔ ë pulic, të ye mɔ̈u dhiim thïn ke thiaan në luöi cïï kɔc ke Midian yen bï tïŋ.

Bäny 6:24

Go Gidiɔn yïk yiëk Bɛ̈nydït ëtɛ̈ɛ̈n ku ciɛ̈k an, “Bɛ̈nydït ee Mät.” (Agut cï ee köölë aŋoot ke kääc në Opera de dhiën de Abiedher.)

Bäny 8:26

Go thëm de adhɛ̈p ke yïth cï nööm ɣet në kilɔɔ kathiërrou, akënkï ka ye cieŋ ë kɔc cin ku kɔc yiëth kuɛɛn thïn ku lupɔɔ ye meliik ke Midian cieŋ, ayï kuɛɛt ë tɔ̈u në thɔ̈rɔ̈ɔ̈lken yiëth.

Bäny 8:28

Go kɔc ke Yithriɛl kɔc ke Midian jɔ tiaam, ka acï ciën riɔ̈ɔ̈c cï bɛ nu. Piny aa rɛ̈ɛ̈r ë mätic në run kathiërŋuan ku jɔ Gidiɔn bɛ̈n thou.