Bäny 8:10 - JAM DE NHIALIC 2011

¹⁰ Ku Dheba kekë Dhalmuna aake tɔ̈u në Karkor në remdɛn ë tɔŋ cït aguum kathiëër ku dhïc 15,000, ee kek ë cï döŋ në rem de tɔŋ ë kɔc ke aköl amiäk, ku bɔt ku thiërrou de agum 120,000 acï ke nɔ̈k.

Bäny 8:10 ပူးပေါင်းရင်းမြစ်များ

2 Mel 3:26

Na wën aa lɔ melik de Mowap en ŋic nɔn cïï tɔŋ yic riɛl, go rem de tɔŋ raan bot kadhorou kuany, ke ke muk abätɛ̈ɛ̈u ku dïlkï kenïïm an temkï tuuŋ de melik de Edom kɔ̈u ku akënkï bɛ̈n lëu.

2 Lëk 13:17

Go Abija kekë remdɛn ë tɔŋ, rem de tɔŋ de Yithriɛl jɔ tiaam arëët, abïk aguum bot kadhïc 500,000 de rem de tɔŋ ril ë Yithriɛl nɔ̈k.

2 Lëk 28:6

Ee Bɛ̈nydït Nhialic de kuarken, Yen aa tɔ ee riäŋë tɔ bɔ̈ tëde keek, në biäk cïï kɔc ke Juda yen nyääŋ piny.

2 Lëk 28:8

Acakaa nɔn ye Juda kɔc raan ë keek, rem de tɔŋ de Yithriɛl acïk aguum bot kaarou (200,000) de diäär ku mïth peec, ke ke mac ku leerkï keek Thamaria, ku peckï kajuëc kɔ̈k.

Yith 37:36

Go tunynhial ë Bɛ̈nydït lɔ në paany cïï Athiriya piɔ̈ɔ̈t thïn ku nɛ̈k bɔt ku thiërbɛ̈t ku dhïc de agum 185,000 de rem de tɔŋ ɣɔn akɔ̈u, na ɣɔn amiäk aa lɔ kɔc pääc, go kɔc cï döŋ apïïr kɔc ëbɛ̈n tïŋ adhɔt piny ke ke cï thou.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Bäny 20:15

Ago kɔc ke Benjamin aguum kathiërrou ku dhetem ke rem de tɔŋ bɛ̈ɛ̈i, ku mɛ̈tkï röt bot kadhorou ke rem de tɔŋ ë rɛ̈ɛ̈r ë Gibia. Bot kadhorou de rem de tɔŋ acï ke lɔc ke ke ye ciëm në rem de tɔŋic, raan tök ë keyiic aduëër nhiëm ë nɔm moc ke cïï wäc.

Bäny 20:17

Ku kɔc ke Yithriɛl, aake ye aguum bot kaŋuan 400,000 ke rem de tɔŋ, të cïn Benjamin.

Bäny 20:2

Bäny ke dhiëën ke Yithriɛl ëbɛ̈n aake tɔ̈u në ɣäänken yiic në amatnɔm de kɔc ke Nhialic yic, ku aake ye aguum bot kaŋuan 400,000 ke rem de tɔŋ cï rɔt guiir në abätɛ̈ɛ̈u.

Bäny 20:25

Na wën bïï kɔc ke Benjamin bɛ̈n bei ë Gibia, gokï aguum kathiëër ku bɛ̈t nɔ̈k ë kɔc ke Yithriɛliic, rem cï wëët në abätɛ̈ɛ̈u.

Bäny 20:35

Go Bɛ̈nydït kɔc ke Yithriɛl tɔ tiam rem de tɔŋ de kɔc ke Benjamin. Go kɔc ke Yithriɛl aguum kathiërrou ku dhïc ku bɔt nɔ̈k 25,100 në rem de tɔŋic ee köölë,

Bäny 20:46

Kɔc ke Benjamin ë näk keek kedhie ee köölë aake ye aguum kathiërrou ku dhïc 25,000 ke ke ye jööt ke rem de tɔŋ cï ŋiëc wɛ̈ɛ̈t.

Bäny 6:5

Ayek bɛ̈n në ɣɔ̈kken ku pɛɛnyken, cït man ë kɔyɔm dïït cïï lëu ë kuɛ̈n, ku thɔ̈rɔ̈ɔ̈lkɛn juëc aläl. Aake ye bɛ̈n ku riäkkï piny.

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.

Bäny 7:13

Na wën aa lɔ Gidiɔn ɣëët ke piŋ raan lëk mɛ̈thë kë cïï yen nyuöth lueel an, “Yɛn aa nyuöth në kuïn cï pam de barli cï bɛ̈n ke lɔɔr ke lɔ wun ë pɛɛny ke Midian, ku deeny rɔt në paany kɔ̈u, go paanyda yenɔm guöt piny ku wïïk.”

Bäny 7:22

Të wën koth ë rem de tɔŋ de Gidiɔn tuŋ, go Bɛ̈nydït rem de Midian tɔ guut röt kapäc në abätɛ̈ɛ̈u, gokï kat ke ke lɔ Dhereda thiääk ke Bethcita të lɔ aken de Abel Meɣola thiääk kekë Tabath.

Bäny 8:11

Go Gidiɔn tëëk ke kuany kueer ee jɔ̈ɔ̈r kuany yɔu në biäk të lɔ aköl amiäk de Noba kekë Jogeba, ku mɛkkï rem de tɔŋ ke ɣääth.