Bäny 7:22 - JAM DE NHIALIC 2011

²² Të wën koth ë rem de tɔŋ de Gidiɔn tuŋ, go Bɛ̈nydït rem de Midian tɔ guut röt kapäc në abätɛ̈ɛ̈u, gokï kat ke ke lɔ Dhereda thiääk ke Bethcita të lɔ aken de Abel Meɣola thiääk kekë Tabath.

Bäny 7:22 ပူးပေါင်းရင်းမြစ်များ

1 Mel 19:16

ku Jeɣu wën ë Nimci abä tɔc ke ye melik de Yithriɛl, ku Elica wën ë Capat de Abel Meɣola abä tɔc bï ya tiët ë Nhialic ë nyinduyic.

1 Mel 4:12

Ku Baana wën Aɣilud: arɛ̈ɛ̈r në Taanak ku Megido, ku piny thiääk ke Beth Can ëbɛ̈n, tëthiääk ke wuun cɔl Dharethan, të lɔ rut në wun cɔl Jedhreel, leer wun cɔl Abel Meɣola ku wun cɔl Jokmiim.

2 Lëk 20:23

Go kɔc ke Ammon ku kɔc ke Mowap rem de tɔŋ de Edom lɔ mak ku riäkkï keek kedhie, na wën cïk Edom thöl, ke ke jɔ röt pɔ̈k röt kapäc ku nɛ̈kkï röt ë tɔŋ.

Diɛt 83:9

Luöiyë keek, kë wään bä luöi kɔc ke Midian, ku Thithera kekë Jabin në kiir de Kicon yɔu.

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 9:3

Yïn cï jur ŋuak nyin Bɛ̈nydït, ku acï ke tɔ mit piɔ̈ɔ̈th, në kë cïk looi cït man ye kɔc piɔ̈ɔ̈th miɛt në kööl ë tëm ë rap, ku nɔn ee kööl tek ë ka cï peec.

Yith 9:4

Në biäk cï yïn jonh cï ke duut dhuööŋ kɔ̈ɔ̈th ku thieec ɣɔn ye ke dui kët. Yïn ë juöör tiaam ɣɔn ee kɔcku yɔŋ ku rumkï keek, cït man wään tiɛɛm Yïn rem de tɔŋ de Midian.

Edhekiɛl 38:21

Yɛn bï Gok riääc në kuat de riääk tuc thok. Acä lueel, Yɛn Bɛ̈nydït Awärjäŋ. Kɔcke abïk abätɛ̈ɛ̈uken pɔ̈k röt kapäc.

Ɣabakuk 3:14

Wiɛthku acïk bɛ̈ny de remdɛn ë tɔŋ thɔ̈ɔ̈ric wën bïï tɔŋden ke riŋ cït man ë kɔɔr an, bïk wo bɛ̈n thiäi piny, amitkï piɔ̈ɔ̈th cï kɔc bï kɔc kuanynyïïn cam në cuëër.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Dhek 14:13

Në ee köölë abï Bɛ̈nydït keek tɔ mum nïïm ku tɔ keek riɔ̈c, ka raan abï raan thiääk ke yen aa dɔm ku mɛk.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.

Jocua 6:16

Na wën, acï wil raandhorou, ku cï bäny ke kake Nhialic kaaŋ miit kɔ̈u në kuöth, ke lëk ë Jocua keek an, “Kiɛukï an, Bɛ̈nydït ë we gäm pänydït!

Jocua 6:20

Ago bäny ke kake Nhialic kɛŋ kooth. Na wën, aa piŋ kɔc kɛŋiic, ke ke kiu aläl. Go kal ë pänydït wïïk. Ku lɔ rem de tɔŋ wut ke cïn kë be ye gël nɔm, ku rum wut.

Jocua 6:4

Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.

1 Tham 18:19

Na ɣɔn aacï akööl thök, akööl bï Merap gäm Debid tɔ ye tik, ke gëmë raan däŋ cɔl Adriɛl, raan ë kɔc ke Meɣolath.