Bäny 7:20 - JAM DE NHIALIC 2011

²⁰ Ku koth rɛm kɔ̈kë kaarou tuŋken, ku näkkï töny, ku mukkï kuthyuuiken ë cin ciëmken, ku mukkï tuŋken bïk ë kooth në cin cuëëcken, ku jɔkï kiɛɛu moc an, “Abätäu ee këde Bɛ̈nydït ku ee këde Gidiɔn!”

Bäny 7:20 ပူးပေါင်းရင်းမြစ်များ

Yith 27:13

Të le ëköölë bɛ̈n, kaaŋ abï kooth, kaaŋ cöölë kɔc ke Yithriɛl bei në Athiriya ku Rip, tëdɛn cï kek pɛɛc thïn. Abïk Bɛ̈nydït bɛ̈n lam ë Jeruthalem, ë kuurdɛn ɣeric nɔm.

Jeremia 47:6

Wek ee dhiau an, ‘Abätäu de Bɛ̈nydït! Agut cï nɛn bïï Yïn jɔ aa lɔ̈ŋ? Lɔ ciëën në athepdu yic, jɔ lɔ̈ŋ ëtɛ̈ɛ̈n ku lɔ lik!’

1 Kor 15:52

ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

1 Theth 4:16

Bɛ̈nydït guöp abï bɛ̈n piny paannhial në kiɛɛu, ku në röl ë bɛ̈ny nu ë tuucnhial nïïm, ku kaaŋ de Nhialic, go kɔc cï thou në Kërthoyic agokï röt kɔn jɔt:

Ɣeberuu 11:4

Në biäk de Abel nɔm gäm de yic aŋäth, go Nhialic miɔɔc në miɔ̈c ŋuän awär miɔ̈c ë Kain. Abel acï Nhialic bɛ̈n gam kekë miɔ̈cde, ku gämde aŋoot ke cɔɔl rinke, na cakaa nɔn cïï yen thouwë.

Jocua 6:16

Na wën, acï wil raandhorou, ku cï bäny ke kake Nhialic kaaŋ miit kɔ̈u në kuöth, ke lëk ë Jocua keek an, “Kiɛukï an, Bɛ̈nydït ë we gäm pänydït!

Jocua 6:20

Ago bäny ke kake Nhialic kɛŋ kooth. Na wën, aa piŋ kɔc kɛŋiic, ke ke kiu aläl. Go kal ë pänydït wïïk. Ku lɔ rem de tɔŋ wut ke cïn kë be ye gël nɔm, ku rum wut.

Jocua 6:4

Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.

2 Pet 1:15

Ku abä ya cök ë luɔi ɛn en ë aköölnyïïn kedhie aya, na miäk cä thou, ke we duëër ee kake aa tak ë wenïïm.

Bäny 7:19

Go Gidiɔn kekë kɔc rɛ̈ɛ̈r ë yen kabɔt bɛ̈n ë paany këc biic, të thiinakäŋ akën wɛ̈ɛ̈ric cil guɔ bɛ̈n, ke kɔc tït ë ke piac röt waar, ke ke jɔ tuŋ guɔ gɔl ë kuöth ku näkkï töny ë kecin.

Bäny 7:21

Ku kɛ̈ɛ̈ckï, ye ŋɛk kɔ̈ɔ̈c tëde ke ke cï wut tuɔɔk, go rem de Midian kat ëbɛ̈n, ku pälkï kiɛɛu, ke ke riŋ.

1 Tham 11:11

Ago Thaulo remdɛn ë tɔŋ tɛ̈ɛ̈kic në tuuŋ kadiäk në ee wɛ̈ɛ̈rë yic. Na ɣɔn amiäk adurduur, ke ke mook kɔc ke Ammon piny. Na wën aacï akɔ̈l kɔ̈ɔ̈c cil ke ke näk kɔc juëc aläl në keyiic. Ago kɔc cï döŋ ë keyiic jɔ aa kat ke ŋɛk ë cök enɔm tëde pei.