Bäny 7:2 - JAM DE NHIALIC 2011

² Go Bɛ̈nydït Gidiɔn yɔ̈ɔ̈k an, “Kɔc rɛ̈ɛ̈r në yïn ajuëckï tëde yɛn, në luɔi bän ke tɔ tiam kɔc ke Midian abïk aa tak nɔn ë tiëm kek në riɛlden ku cïkkï ya be dhuëëŋ guöp.

Bäny 7:2 ပူးပေါင်းရင်းမြစ်များ

Cäk 46:2

Go Nhialic jam ke Jakop në nyuöthic wakɔ̈u, cɔɔl Jakop an, “Jakop, Jakop!” Go Jakop gam lueel an, “Woi! Yakï eenë.”

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Yith 10:13

Melik de Athiriya aɣɛ̈ɛ̈c yenɔm an, “Ee köŋdï yen ë loi yen ëbɛ̈n. Yɛn ril ku pɛl nɔm ku ŋiɛc käŋ. Yɛn cï akɛɛth nu ë kɛm ke juöör nyaai ku nääm kajuëc cïk kuɛ̈t röt. Yɛn ee cath ë kɔc tɔ̈u ëtɛ̈ɛ̈n kɔ̈ɔ̈th cït man ë thɔn.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 2:17

Dït enɔm de mɛnh ë raan abï tɔ kääc, ku riäk lɛcden. Yiëth ye lam abïk määr taitai,

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Edhekiɛl 28:17

Yïn aaye rɔt lɛɛc në dikdu, ku kɛkdu acï yïn tɔ loi rɔt cï raan piɔlpiɔ̈u. Në biäk ee kënë yïn cä cuat piny ku nyääŋ yïn piny ke yï ye kë bï meliik kɔ̈k jɔ̈ɔ̈ny.

Edhekiɛl 28:2

“Mɛnh ë raan, lɛ̈kë melik de Tayer, kë lɛ̈k en yɛn Bɛ̈nydït Awärjäŋ: yïn cï rɔt gap nhial në lɛc ku ye lueel an ye yath. Aye lueel an cï nyuc në thöny cï tuɔɔk ë wɛ̈ɛ̈r cï yath. Yïn duëër rɔt kac an ye yath, ku ei, yïn ee raan, yïn cie tɔ̈u athɛɛr.

Danyel 4:30

ke lueel an, “Tiëŋkï luɔi dïït ë Babilon! Aa yiɛ̈k ke ee pänydiëndït bän riɛldï kekë bäänydï ku dhuëëŋdï nyuɔɔth.

Ɣabakuk 1:16

Na lë, ke ke jɔ boiken lam, ku nyupkï keek miɔ̈c ë wɛ̈ɛ̈l ŋïr, ku lueelkï an, “Kek ë boikë, ayek yiëth ee kek tɔ wo kueth.

Dhek 12:7

“Ku yɛn Bɛ̈nydït, yɛn bï Juda kɔn tɔ tiam tueŋ, ke dhuëëŋ bï käu de Debid yök kekë kɔc ke Jeruthalem, ke cïï bï dït awär dhuëëŋ bïï ë kɔc ke Juda yök.

Dhek 4:6

Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny.

Kuɛ̈n 31:4

Në dhiëën ke Yithriɛl thook kedhie, abïï dhiën tök agum de raan aa tuɔɔc tɔŋ.”

Romai 11:18

Ke yï cïï rɔt ee leec në kër nïïm. Ku të leec yïn rɔt, tak yïnɔm nɔn cie yïn ë muk meei, ee meei yen aa muk yïn.

Romai 3:27

Lɛc duëër raan rɔt leec akou ënɔɔnë? Aliu, aye nyai. Në löŋou? Në löŋ de luɔi? Acie yen, në löŋ de gäm, yen aa nyiɛɛiyë ye.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

Epethiei 2:9

acï bɔ̈ në luɔi ee raan looi, ka cïn raan duëër rɔt leec.

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

Nyöŋ 8:17

Ka duökï ee tak nɔn cä wek röt tɔ kueth në riɛldun ku aŋoŋdun wapäc.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”