Bäny 6:39 - JAM DE NHIALIC 2011

³⁹ Na wën ke lëk Gidiɔn Nhialic an, “Du agönhdu tɔ tuc we yɛn. Tɔ ya lueel ë töŋë, yïn läŋ tɔ nhïm tɔ cïn gup thäc, ku tɔ piny be dɛ thäc ëbɛ̈n.”

Bäny 6:39 ပူးပေါင်းရင်းမြစ်များ

Cäk 18:30

Ago Abraɣam lueel an, “Du piɔ̈u bï diu wekë yɛn Bɛ̈nydït, yɛn bï ŋoot ke ya jam. Na le ee kɔc kathiërdiäk kek lɔ yök?” Go puk nɔm an, “Acä bï riɔ̈ɔ̈k të lan kɔc kathiërdiäk yök.”

Cäk 18:32

Ago Abraɣam lueel an, “Du piɔ̈u bï diu wekë yɛn, Bɛ̈nydït. Ee töŋë yen bä lueel yetök. Ku na lɔ kɔc kathiëër yök?” Go lueel an, “Yɛn cï wut bï riɔ̈ɔ̈k të lan kɔc kathiëër yök thïn.”

Yith 50:2

“Eeŋö ye kɔckï mim ke cïn kë cïk lueel, wään la Yɛn tëden bä keek la ke luök? Eeŋö kën kek cɔ̈tdï puk nɔm wën cɔ̈ɔ̈t Ɛn? Cä guɔ ciën riɛl kuɔny ɛn keek? Yɛn duëër wɛ̈ɛ̈r tɔ dëu abïï yic riɛl të cän e lueel ku pɔ̈k kiɛɛr ke ke ye jɔ̈ɔ̈r, abï rec nu thïn thou në biäk de ciɛ̈n pïïu.

Math 21:43

Yen a yɔ̈ɔ̈k ɛn week an, “Ciɛɛŋ de Nhialic abï nyaai tëde week, ago gam jur däŋ, jur ë luɔk ë mïth röŋ në yen.”

Math 8:12

Ku wɛ̈ɛ̈t ke ciɛɛŋ abïï ke cuat tëcool nu biic ya, tɛ̈ɛ̈n abï dɛ dhiëëu ku ŋëny de lec.”

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 22:21

Go ya yɔ̈ɔ̈k an, ‘Jël tei, yïn bä tuɔɔc tëmec ya të nu ë Juöör.”’

Luɔi 28:28

Yen ŋiɛc wek cöökë, an, “Jam ë Nhialic ë biäk de kunydewëi acï tɔ yïnë Juöör, ku abïk dhil piŋ!”

Bäny 6:38

Na ɣɔn amiäk, ajɔt Gidiɔn rɔt, ke jɔ guɔ aa yen, ku nööm nhïm, ku mɛ̈ɛ̈t ke yiic ku nyiith thäc wei në ke kɔ̈ɔ̈th abïï abïny thiɔ̈ɔ̈ŋ ë pïïu.

Bäny 6:40

Go Nhialic looi aya ɣɔn amiäk ke yök piny atiɔp ke thäc ku tɔ̈u nhïm ke ke cïn gup thäc.