Bäny 6:12 - JAM DE NHIALIC 2011

¹² Ago tunynhial ë Bɛ̈nydït bɛ̈n tëde Gidiɔn ku lɛ̈k an, “Bɛ̈nydït atɔ̈u ke yïn, yïn jön ril.”

Bäny 6:12 ပူးပေါင်းရင်းမြစ်များ

Bɛ̈n 3:12

Go Nhialic lueel an, “Yɛn bï tɔ̈u wo yïn, ka wadäŋ të le yïn ke bɛ̈ɛ̈i bei paan ë Rip, wek bï bɛ̈n lam në ee kuurë nɔm eenë. Yen abï ye jɔ ŋic nɔn ee Yɛn ë toc yïn.”

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 1:11

Na wën, ke tunynhial ë Bɛ̈nydït ë tul, ke kääc ë biäk cuëny de yïïŋ de nyum ë wal ŋïr.

Luk 1:28

Go tunynhial bɛ̈n ɣöt të nu yen, bï ku lueel an, “Thieithieei, nyan cï athiɛɛidït yök, Bɛ̈nydït atɔ̈u ke yïn! Yïn cï thieei ë diäär yiic!”

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Bäny 11:1

Ku Japetha raan wun ë Giliyad aaye jön ë tɔŋ ril, ku man aaye tiiŋ akɔɔrröör. Ku Giliyad wun

Bäny 13:3

Na wën ke tunynhial ë Bɛ̈nydït tul tëde tik, bïï ku yöök an, Yïn cï rol ku yïn cïn nɔm meth, ku yïn bï liac ku yök mɛwä.

Bäny 2:18

Të cïï Bɛ̈nydït bɛ̈ny ee löŋ guiir bɛ̈ɛ̈i, Bɛ̈nydït ee tɔ̈u kekë bɛ̈ny abïï keek luäk bei në kɔc ee ke yɔŋ cin të pïïr en. Bɛ̈nydït ee piɔ̈u kok ke keek, në luɔi cï dhiëndɛn ye kek dhiau në yaaŋ yɔŋë keek Bɛ̈nydït puk piɔ̈u.

Bäny 6:11

Na wën ke tunynhial ë Bɛ̈nydït bɔ̈ ku nyuuc wun de Opera në tim de ɣok thar, tim de Jowac, raan dhiën de Abiedher. Ku Gidiɔn wënde aa kɔ̈m agamɔ ë pulic, të ye mɔ̈u dhiim thïn ke thiaan në luöi cïï kɔc ke Midian yen bï tïŋ.

Bäny 6:13

Ago Gidiɔn yen bɛ̈ɛ̈r an, “Na ye Bɛ̈nydït tɔ̈u ke wook, eeŋö ye nuɛɛnkë wo bɛ yök? Ku nu kagɛ̈iyë ke ënou ka wään ye wärkuɔ ke guiëër wook an ye Bɛ̈nydït ke looi, ku Yen ë bïï wo bei piny de Rip adï? Ku ënɔɔnë Bɛ̈nydït ë wo nyääŋ piny, acï wo päl ë kɔc ke Midian cin.”

Ruuth 2:4

Na wën, ke Bowadh ë bɔ̈ domic, ku thiëëc kɔc lui an, “Bɛ̈nydït ë tɔ̈u ke week!” Go kɔc lui puk nɔm an, “Athiɛɛi ë Bɛ̈nydït ë tɔ̈u ke yïn!”

1 Tham 10:7

Ku të cïï ee kakë röt looi, ke yï loi kë cïï Nhialic lɛ̈k yïn an bä lɔ looi.