Bäny 5:20 - JAM DE NHIALIC 2011

²⁰ Ku thäär kuɛl nhial, të ciɛth kek ke ke ret tënhial yic, athɛ̈ɛ̈rkï në Thithera.

Bäny 5:20 ပူးပေါင်းရင်းမြစ်များ

2 Tham 18:8

Go tɔŋ thiëi ë bɛ̈i yiic ëbɛ̈n, ku kɔc juëc acïk bɛ̈n thou rooric awär kɔc ë thou tɔŋ.

Jocua 10:10

Ago Bɛ̈nydït kɔc ke Amor tɔ mam në kɔc ke Yithriɛl nïïm. Ago kɔc ke Yithriɛl ke tiaam arëët në Gibiɔn, ku copkï ke në kueer lɔ Bethɣaron, ku näkkï keek alɔ guut Adheka ayï Makeda.

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Jocua 10:12

Ku në kööl ë tɔ Bɛ̈nydït kɔc ke Yithriɛl tiam kɔc ke Amor, Jocua ë bɛ̈n jam kekë Bɛ̈nydït në kɔc ke Yithriɛl nïïm, lueel an, “Akɔ̈l kääcë ë lik në Gibiɔn nɔm, Ku pɛɛi kääcë në bäny de Aijalon nɔm.”

Bäny 4:15

Na wën aa lɔ Barak ke mak kekë remdɛn ë tɔŋ, go Bɛ̈nydït Thithera kekë abëëlkɛn ke tɔŋ ku remdɛn ë tɔŋ gäm anuɔɔn. Go Thithera kɛɛc piny në abëldɛn ë tɔŋ kɔ̈u ku kɛt në yecök.

Bäny 5:21

Ku lak Amool de Kicon keek wei në kuëërdïït de Kiir ë Kicon. Yɛn bï lɔ tueŋ ke ya cath në riɛl.

1 Tham 7:10

Të wën ŋoot ë Thamwɛl ke gëm Bɛ̈nydït miɔ̈c ye nyop ëbɛ̈n, go Pilithiin guɔ bɛ̈n tëthiɔ̈k bïk Yithriɛl bɛ̈n mak, ago Bɛ̈nydït keek rël yiic paannhial. Agokï nïïm mum taitai ku riɔ̈ckï.