Bäny 5:12 - JAM DE NHIALIC 2011

¹² Lɔɔr tueŋ, Debora, lɔɔr tueŋ! Wat kɔc ke yï kit dit, wat kɔc! Lɔ tueŋ! Barak wën de Abinowam, wat kɔckuön cï peec, wɛ̈të ke bei.

Bäny 5:12 ပူးပေါင်းရင်းမြစ်များ

Diɛt 108:2

Jɔt rɔt, kaaŋdï ku thomdï! Yɛn bï akɔ̈l pɔ̈ɔ̈c.

Diɛt 57:8

Jɔt rɔt piɔ̈ndï, jɔt rɔt! Jɔt rɔt thomdï wekë aruöördï! Yɛn bï akɔ̈l pɔ̈ɔ̈c.

Diɛt 57:9

Yïn bä leec Bɛ̈nydït në juööriic, yïn bä piɔɔny në kɔc yiic.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Yith 14:2

Kɔc juëc abïk keek kuɔny ke ke bï lɔ piny cïï Nhialic gäm keek, ku ëtɛ̈ɛ̈n juöör abïk baai de Yithriɛl aa luööi cï lïïm. Ku kɔc wään cï ke kɔn peec, ënɔɔnë abï Yithriɛl ke bɛ peec, ku abïk kɔc wään cï keek kɔn yɔŋ bɛ cieŋ.

Yith 33:1

Amawoou në kɔc ke aterda! Wek ee käŋ riɔ̈ɔ̈k ku wek kënë ë riɔ̈ɔ̈k, wek ee käŋ rum ku wek kënë ë rum. Ku aköölkuön ke rum de käŋ ku riäk de käŋ abï thök, ku keek gupken abïï keek bɛ rum ku riäk keek.

Yith 51:17

Jeruthalem jɔ pääc! Jɔt rɔt ku kääcë! Yïn cï dek në abïny de këtuc kë cï Bɛ̈nydït gäm yïn bä dek në agönhde, guɔ ë thölic ëbɛ̈n go yï tɔ cath ke yï tuëk.

Yith 51:9

Pääcë Bɛ̈nydït ku luäk wook! Loi riɛldu ku kony wo, loi cït man ɣɔn looi yïn en ɣɔn thɛɛr. Aa ye yïn ë tem ŋuäldït Raɣab de wɛ̈ɛ̈r në thïïm.

Yith 60:1

Jɔt rɔt, Jeruthalem ku jɔ piny riaau abä ciët ruɛl de akɔ̈l, dhuëëŋ de Bɛ̈nydït alɔ riauriau në yï kɔ̈u!

Jeremia 31:26

Ka abïï kɔc aa lueel an, ‘Yɛn aacï tɔ̈c aguɔ pääc ke ya ril.’

1 Kor 15:34

Jakï pääc në piɔ̈n piɛth, ku duökï kërac ee looi, kɔc kɔ̈k acïn ŋïny de Nhialic cath ke keek: yɛn luel cöökë, ke we bï yäär.

Epethiei 4:8

Yen a lueel en en an, “Ɣɔn le yen nhial, ke thel kë ye kɔc mac ke mac, Ku jɔ kɔc miɔɔc në käŋ.”

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

2Tim 2:26

ku jɔkï pääc bïk bei ë wïn ë jɔŋdït racic, kek kɔc wään cï dɔm, bïk këde Nhialic piɔ̈u aa looi.

Bäny 5:13

Ago kɔc lik cï döŋ bɛ̈n të nu bänyken, kɔc ke Bɛ̈nydït acïk bɛ̈n tëde yen, acïk röt guiir bïk thɔ̈ɔ̈r.