Bäny 5:11 - JAM DE NHIALIC 2011

¹¹ Piɛŋkï! Kuut dïït looi awuɔɔu në yïth lɔ̈m Alueelkï tiëmdïït de Bɛ̈nydït, ku tiëmdïït de kɔc ke Yithriɛl! Go kɔc ke Bɛ̈nydït jɔ cath në wuötdïtken yiic.

Bäny 5:11 ပူးပေါင်းရင်းမြစ်များ

Cäk 24:11

Na wën, an le ɣet ɣɔn thëën, të ye diäär lɔ wïïr, ke tɛ̈ɛ̈c thɔ̈rɔ̈ɔ̈l ë yith nɔm ë wut këc biic.

Cäk 29:2

Na wën aa bïï, ke tïŋ yith domic, ku tïŋ luuny ke thök ee yiic diäk, ke ke cï tɔ̈c në yith lɔ̈ɔ̈m. Në luɔi ye kek dek në ee yinhë yic ëtɛ̈ɛ̈n. Ku gök dïït ë kuur anu në yith thok.

Cäk 29:3

Ku të cï luuny ke thök jɔ guëër ëbɛ̈n, ke tïït ayek kuur dïïtë jɔ lɔ̈ɔ̈r bei në yith thok, ku tɔkï thök dëk. Na cï thök dek, ke ke be kuur dak nɔm ë yith thok tëde.

Jop 29:7

të le yɛn të ye röördït mat, ku nääm këdiën ë rëër,

Diɛt 145:7

Abïk aa jam ë biäk de piathdu ku ketkï diɛt ke piathëpiɔ̈ndu.

Diɛt 71:15

Yɛn bï jam në biäk de läkdu. Aköölnyïïn kedhie yɛn bï ya jam në biäk de kuɔɔnydu, cakaa nɔn dïït ë yöŋ de yen yic.

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 28:6

Abï ŋiëc guiëër ë löŋ gäm kɔc ee löŋ guiir, ku gëm kɔc ee pänydït gël riët de piɔ̈u bï kek pänydït gël në kɔc bï ye mak.

Dhiëëu 5:4

Wok ee pïïu yok dek cuat kɔ̈ɔ̈th piny, wok ee tiim bï wok thät ɣɔɔc.

Dhiëëu 5:9

Wok ee kuïïn kɔɔr në wëi mit, në biäk ee kɔc ee kɔc nɔ̈k cath ë jɔ̈ɔ̈ric.

Maika 6:5

Dɔ̈tkï në wenïïm kɔckï, në kë ɣɔn cï rɔt looi. Meliŋ de Mowap cɔl Balak acï tiët cɔl Balaam wën ë Beyor kumthok, an bïï week läm aciɛɛn. Aguɔ aciɛɛn bɛ̈n puk në yethok ke ye athiɛɛi. Takkï wenïïm në kapiɛth ɣɔn ta Yɛn ke wɛ̈ɛ̈r de Jordan dëu, ku tɛ̈mkï në Akacia ɣɛtkï Gilgal. Yen abä wek kueer ë luäk Ɛn week Yɛn Bɛ̈nydït jɔ ŋic.

Nyöŋ 22:24

Abäk keek dhiɛl lɛɛr ë wut këc biic ku biääkkï keek abïk thou. Nyanë abï dhil thou në baŋ kën en dhiau ke bï luök, ku yen aa nu wutic, të duëër kɔc rölde piŋ. Ku moc abï dhil thou, në biäk cï yen nin kekë nyan cï lɔc. Në ee kueerë wek bï kërɛɛcë jɔ nyaai.

Nyöŋ 33:21

Acïk piny piɛth nööm ke ee këden, Baŋ de bɛ̈ny ë rem de tɔŋ acï gäm keek. Acïk wël ku lööŋ ke Bɛ̈nydït Riëëu, wään bïï bäny ke Yithriɛl mat nïïm tëtök.”

Bäny 11:40

në ruöön thok ëbɛ̈n duet dhueec ke Yithriɛl, ayek lɔ roor ënïniic kaŋuan, bïk nyan ë Japetha de Giliyad aa lɔ tak ku dhiëëukï.

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.

1 Tham 12:7

Yen ka, ënɔɔnë kääckï ee tëduönë, ku wek bä gɔ̈ny Bɛ̈nydït, ke we bä tɔ tak karil cï Bɛ̈nydït looi ka wään kony Yen week ku kuarkun.