Bäny 3:8 - JAM DE NHIALIC 2011

⁸ go Bɛ̈nydït jɔ gɔ̈th kekë Yithriɛl ku tɔ Melik de Kucan Ricathiam de Methopotamia tɔ tiam keek ku kuum keek në run kabɛ̈t.

Bäny 3:8 ပူးပေါင်းရင်းမြစ်များ

Cäk 24:10

Ago lïm thɔ̈rɔ̈l kathiëër, nööm në thɔ̈rɔ̈l ke bɛ̈nydɛn Abraɣamic. Ku lɔc miɔ̈c piɛth në kake bɛ̈nydɛn Abraɣamic, miɔ̈c bï ke lɔ gam. Ku jël ke lɔ të lɔ rut, le pänydïït rëër ë Naɣor thïn, në piny cɔl Methopotamia.

Diɛt 106:41

Acï keek päl ë riɛl juöör kuc Nhialic cin, ku jɔ kɔc ke aterden keek cieŋ.

Diɛt 129:1

Yithriɛl lɛ̈kë wook luɔi cïï ë kɔc ke aterdu yïn yɔŋ të ɣɔn ee yïn meth.

Diɛt 44:12

Yïn cï kɔcku ɣaac në wëu cie wëu, ku cïn kë cï yök në ɣööcdenic.

Diɛt 6:1

Du göth we yɛn Bɛ̈nydït, ku dui ɛn. Du yɛn lui këtuc në agɔ̈th!

Diɛt 85:3

Yïn cï agönhdu pɔ̈l we keek, ku mɔ̈kë ŋeenyduön dït ë Yïpiɔ̈u.

Bɛ̈n 22:24

Ku Yɛn bï gɔ̈th ku ta we näk tɔŋ. Ka diäärkun abïk aa abɛɛr, ku mïthkun abïk aa abɛɛr cïn nïïm wärken.

Yith 50:1

Aye Bɛ̈nydït lueel an, “Yak tak nɔn cän kɔckï cuɔp wei, cït man ye raan tiiŋde pɔ̈l? Tɔ̈u awereek ke pääl ënou? Yak tak nɔn cän we ɣɔ̈c pɛ̈c bïï we peec cït man ë raan ee mïthke ɣaac ke ke ye lïïm? Ei, wek aake leerë keek ë pɛ̈cic në biäk de awɛ̈ɛ̈ckun, wek aa toocë wei në biäk de karɛc yak looi.

Lebai 26:17

Yɛn bï rɔt wël week, ago kɔc dɛ wek ater week tiaam, kɔc man, week abïk week cieŋ. Ku wek bï ya kat, cakaa të cïn en raan cop week.

Ɣabakuk 3:7

Yɛn aa tïŋ kɔc ke Kucan rɛ̈ɛ̈r në kɛ̈ɛ̈t yiic ke ke cï riɔ̈ɔ̈c, ku lɛthë kɔc ke piny de Midian në ɣööt yiic.

Romai 7:14

Löŋ aŋicku nɔn ee yen këde wëi, ku yɛn ee raan ë piny tei, yɛn cï ɣaac ka yɛn cï aa lïm de kërac.

Nyöŋ 29:20

Bɛ̈nydït acïï raan cït ee kënë bï päl awäc. Atuny de agönh de Bɛ̈nydït abï ciët lɔ̈k de mac ë yeguöp, ku riääk cï keek gɔ̈ɔ̈r në awerekë yic kedhie abïk lööny në yekɔ̈u agut të bï Bɛ̈nydït yen riɔ̈ɔ̈k taitai ë pinynɔm.

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Bäny 2:14

Go Bɛ̈nydït piɔ̈u diu kekë kɔc ke Yithriɛl, go keek tɔ mɛk ë kɔc ee käŋ peec ku peckï keek. Acï kɔc ke aterden thiääk në keek tɔ tiam keek, ago kɔc ke Yithriɛl nïïm jɔ ciën riɛl kony kek röt.

Bäny 2:20

Go Bɛ̈nydït jɔ gɔ̈th ke kɔc ke Yithriɛl, ku lueel an, “Jurë acï löŋdiën cä mac dhoŋ kɔ̈u löŋ wään mac wo kuarken an bïk döt, ku akënkï ya riëëu,

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 3:9

Na wën ke Yithriɛl ë dhiau ë Bɛ̈nydït nɔm, go raan tuööc bïï ke luök. Raanë acɔl Othaniɛl wën ë Kenadh, Kenadh mänhë Kalep thiinë.

Bäny 4:9

Go lueel an, “Yɛn bï dhil lɔ wokë yïn, ku acïn dhuëëŋ bä yök në luɔi bï Bɛ̈nydït Thithera tɔ nɛ̈k ë tik.” Na wën ke Debora kekë Barak ë ke jɔt röt lekkï Kedec.

1 Tham 12:9

Ku yen acï kɔc nïïm guɔ määr ë Bɛ̈nydït Nhialicden, go Pilithiin ku melik ke Mowap ku Thithera, bɛ̈ny ë rem de tɔŋ ë wun cɔl Ɣadhar piɔ̈t kekë kuarkun, ago kuarkun keek tiam.