Bäny 3:7 - JAM DE NHIALIC 2011

⁷ Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 3:7 ပူးပေါင်းရင်းမြစ်များ

1 Mel 16:33

Aɣap acï yanh tik Acera guaŋ ku tɛ̈ɛ̈u nhial. Acï kajuëc looi bïï yen ke Bɛ̈nydït, Nhialic de Yithriɛl tɔ göth, awär meliik ke Yithriɛl ɣɔn kɔn bɛ̈n në yenɔm tueŋ.

1 Mel 18:19

Ku ënɔɔnë, määtë kɔc ke Yithriɛliic ku tɔ ke biɔɔth ɛn ë kuur ë Karmel nɔm, ku bɛ̈ɛ̈iyë tït ke Baal ayadäŋ bot kaŋuan ku thiërdhïc 450, ku tït ke Acera bot kaŋuan 400, kɔc mät në Jedhebel.”

2 Mel 23:14

Go melik Jothia mën ke kur dhuööŋ, ku yep kïït ke yanh tik cɔl Acera piny, ku löök ɣäänkɛn ë kɛ̈ɛ̈c kek thïn thiɔ̈ɔ̈ŋiic në yom ke kɔc.

2 Mel 23:6

Ku bïï kïn de yanh tik Acera bei në Luaŋdïtic, ku leer ë Jeruthalem thok biic në Wak de Kidronic, ku nyop ëtɛ̈ɛ̈n, ku doŋ abï aa rop ku weer aromde në rɛ̈ŋ ye kɔc ëbɛ̈n tɔ̈ɔ̈u nïïm.

2 Lëk 15:16

Na wën ke melik Atha ë nyiɛɛi kokke Maaka tëde man tiiŋ melik, në biäk cïï yen rɔt luöi yanh tiiŋ cɔl Acera, yanh ee kɔc tɔ dhiëth. Ago melik Atha yath kiɛp piny, ku tɔ temë ëbɛ̈n, ku lee nyop ë Wak de Kidron yic.

2 Lëk 24:18

Ago kɔc läm ye kek lɔ lam në Luaŋdïït Nhialic de kuarken pɔ̈l, ku gɔlkï läm de yiëth ku kïn de yanh tik Acera. Awänydɛn cïk looiyë acï agönh de Bɛ̈nydït yiɛ̈n Juda kekë Jeruthalem.

2 Lëk 33:19

Lɔ̈ŋ de melik ku luɔi cïï Nhialic ye puk nɔm, ku karɛc juëc cï keek looi ɣɔn ŋoot en ke kën yepiɔ̈u puk, ku ɣään ke läm de yiëth ku kïït ke yanh tik Acera cï looi, ku yiëth ye lam, acï ke gɔ̈ɔ̈r kedhie në awerek de kathɛɛr ke tït yiic.

2 Lëk 33:3

Acï kake läm ë yiëth bɛ nyɔk ë yïk, ka ɣɔn cïï wun Ɣedhekia keek dhuɔŋ piny. Acï yïk ke Baal yïk, ku cuëëc kïn de yanh tik Acera, ku lɛm kuɛl.

2 Lëk 34:3

Na ɣɔn cï Jothia run aa bɛ̈t ke ye melik, ku ŋoot ke ye meth aya, ke gɔl läm de Nhialic de kuɛɛrë melik Debid. Na ɣɔn aa cï run wan kaŋuan, ke riäk ɣään ye yiëth lam, ku riëëk kïn de yanh tik Acera, ku lɔ yiëth kɔ̈k ëbɛ̈n.

2 Lëk 34:7

Në piny de ciɛɛŋ lɔ të lɔ rut ëbɛ̈n acï yïk ku kïn de yanh Acera jäp piny, ku guɛ̈ɛ̈r yiëth abïk aa abuui, ku dhuuŋ yïk ye wal ŋïr nyop ëbɛ̈n abïk lɔ thorthor. Ku jɔ yenɔm pɔ̈k Jeruthalem.

Diɛt 106:35

Ku acïk bɛ̈n liääp ku thiakkï juöör, ku dɔmkï ciɛɛŋ de kɔc kuc Nhialic.

Diɛt 106:36

Kɔc ke Nhialic acïk yiëth lam, ku acï keek thɛ̈l riääk.

Diɛt 106:7

Kuarkuɔ ɣɔn tɔ̈u kek ë Rip akënkï kagɛ̈iyë cï Nhialic ke looi yök yiic, acïk nïïm määr në ka juëc yen keek nyuöth nhiëërdɛn agɔk, gokï Awärjäŋ rɛɛc thok në Wɛ̈ɛ̈r thith yɔu.

Bɛ̈n 34:13

Jäpkï yïïkken piny, ku riäkkï mënkɛn ɣeriic, ku riäkkï yïïŋ de Acera yanhden.

Jeremia 23:27

Ayek tak an bï nyuöth cïk lueel kɔckï tɔ mär nïïm në yɛn, cït man ɣɔn cï kuarken nïïm määr në yɛn ku pukkï röt Baal.

Nyöŋ 16:21

“Të luöi wek Bɛ̈nydït Nhialicdun yïk, duökï kïn ë tim de yanh tik Acera ee tääu ë ye lɔ̈ɔ̈m.

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 8:11

Dɔ̈tkï apiɛth nɔn cä wek nïïm bï määr ë Bɛ̈nydït Nhialicdun, dɔ̈tkï lööŋkɛn cä gäm week ee köölë kedhie ku yak ke riëëu.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Nyöŋ 8:18

Yak ŋic nɔn Yen Bɛ̈nydït Nhialicdun, Yen ë gëm week riɛl bï we tɔ kueth. Aa loi ee kënë në baŋ ŋoot En ke ye Adöt ee köölë, në löŋ cï mac kekë kuarkun.

Bäny 3:12

Na wën ke kɔc ke Yithriɛl ë ke be kërac looi në Bɛ̈nydït nyin, go Bɛ̈nydït Eglon Melik de Mowap tɔ ril awär Yithriɛl.

Bäny 3:8

go Bɛ̈nydït jɔ gɔ̈th kekë Yithriɛl ku tɔ Melik de Kucan Ricathiam de Methopotamia tɔ tiam keek ku kuum keek në run kabɛ̈t.

Bäny 6:25

Në ye wɛ̈ɛ̈rë yic, ke Bɛ̈nydït ë yɔ̈ɔ̈k Gidiɔn an, “Nöm miɔɔr ë wuur, ku miɔɔr däŋ ee run dhorou ku jäpë yïïŋ de Baal ë wuur piny, ku yɛpë kïn de yanh tik cɔl Acera piny, tɔ̈u në ye lɔ̈ɔ̈m.

Bäny 8:33

Në thon ë Gidiɔn cök, kɔc ke Yithriɛl akënkï bɛ aa döt tëde Nhialic, gokï Baal lam. Ku tɔkï Baal Berith ee yanhden.

Bäny 8:34

Ku akënkï Bɛ̈nydït bɛ tak Nhialicden, Raan wään luäk keek në kɔc ke ater wään cï tuɔɔk ëbɛ̈n.

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 12:9

Ku yen acï kɔc nïïm guɔ määr ë Bɛ̈nydït Nhialicden, go Pilithiin ku melik ke Mowap ku Thithera, bɛ̈ny ë rem de tɔŋ ë wun cɔl Ɣadhar piɔ̈t kekë kuarkun, ago kuarkun keek tiam.