Bäny 3:27 - JAM DE NHIALIC 2011

²⁷ Na wën aacï ɣet, në piny ë kuur de Eparaim yic, ke jɔ kaaŋ kooth, go kɔc ke Yithriɛl jäl piny de kuur në yen ëtök, ku jɔ keek wat tɔŋ.

Bäny 3:27 ပူးပေါင်းရင်းမြစ်များ

2 Tham 20:22

Na wën ke tik ë lɔ të de kɔc ke wut në pɛlënɔmde, gokï Ceba wën ë Bikiri tɛ̈ɛ̈m nɔm bei ku cuɛtë ë kal kɔ̈u biic të tɔ̈u ë Jowap. Go Jowap kaaŋ kooth, ku jɔ rem de tɔŋ wut nyääŋ piny, gokï jäl kedhie lekï ë bɛ̈iken yiic. Go Jowap rɔt puɔ̈k Jeruthalem tëde melik.

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

Neɣe 4:14

Acï tïŋ nɔn riɔ̈ɔ̈c ë kɔc, aguɔ lɛ̈k keek në bänyken, ku bäny ke luɔi, an, “Duökï riɔ̈c në kɔc ke aterda, yak we nïïm tak në Bɛ̈nydït, luɔi dïït En, ku ye këde riɔ̈ɔ̈c, ku thärkï tɔŋ në biäk de kɔc ke wundun, ku mïthkun, ku diäärkun ayï ɣöötkun.”

Jocua 17:15

Go Jocua bɛ̈ɛ̈r an, “Na cäk juëc, ku cïï piny ë kuur de Eparaim we be lɛɛr, ke we lɔ në roor ë kɔc ke Peridh yic kekë roor de Repaim, lak yiëpkï röt piny ëtɛ̈ɛ̈n, piny rɛ̈ɛ̈r wek thïn.”

Jocua 17:18

Nämkï piny ë kuur, na cäk aa nɔn yen roorë, abäk yɛp piny ëbɛ̈n, ku takï ee pinydun. Ku na ee biäk de kɔc ke Kanaan, abäk keek tiaam, ku cuɔpkï keek, na cakaa nɔn riil kek, ku dekï nïïm abëël riil ke tɔŋ, abëël ke wëëth.”

Bäny 10:1

Në thon ë Abimelek cök, go raan dhiën ë Yithakar rɔt jɔt, Tola wën ë Pua, ku ee wën ë wën ë Dodo, bïï Yithriɛl luäk bei. Ku yen aa rɛ̈ɛ̈r ë Camir, në piny ë kuur de Eparaim yic.

Bäny 17:1

Ku aa de raan ë rëër piny ë kuur de Eparaim, raan cɔl Maika.

Bäny 19:1

Në aköölkë Yithriɛl aa cïn nɔm bɛ̈ny, ku ade raan ë Lebai ë rɛ̈ɛ̈r piny ë kuur de Eparaim kɔ̈u. Na wën, ke nöm tik në Bethleɣem de Juda bïï aa tiiŋ mɔ̈th.

Bäny 3:26

Go Eɣud rɔt kual wën ŋoot kek ke ke tït, ku tëëk në kuur yaath kɔ̈u, go rɔt kual leer Theyira.

Bäny 5:14

Gokï bɛ̈n, gɔl në Eparaim leer në wakic, në Eparaim, bïkkï në wakic, abïkï në dhiën de Benjamin cök kekë kɔcke bäny ke tɔŋ aake bɔ̈ piny në Makir, ku bäny ke tɔŋ kɔ̈k abïkï në Dhebulun,

Bäny 6:34

Na wën ke Wëi ke Bɛ̈nydït ë ke bɔ̈ ë Gidiɔn guöp, go kaaŋ kooth, ku cɔɔl dhiën de Abiedher bïk ye kuany cök.

Bäny 7:24

Go Gidiɔn kɔc tuɔɔc në piny ë kuur de Eparaim yic, yöök keek an, “Bäk thäärkï në kɔc ke Midian, ku pɛckï pïïu ke Jordan në ke nïïm tueŋ abäk ɣeet Bethbara.” Go röör cɔ̈ɔ̈l bei kedhie, gokï pïïu ke Jordan peec abïk ɣet Bethbara,

1 Tham 13:3

Go Jɔnathan bɛ̈ny töŋ de tɔŋ ë Pilithiin nɔ̈k në Geba, ago kɔc ke Pilithiin kënë piŋ kedhie. Ago Thaulo kɔc ke Ɣeberuu tɔ cɔl në kuöth ë kɛŋ, në baŋ bïï kɔc bɛ̈n tɔŋ ë baai yic ëbɛ̈n.