Bäny 21:4 - JAM DE NHIALIC 2011

⁴ Na ɣɔn amiäk ruu ë piny, go kɔc yïk yïk ëtɛ̈ɛ̈n, gokï miɔ̈c ye nyop ëbɛ̈n ku miɔ̈c de mät gam ë yenɔm.

Bäny 21:4 ပူးပေါင်းရင်းမြစ်များ

2 Tham 24:18

Na ee kööl manë go Gad lɔ tëde Debid ku lëk en an, “Lɔ nhial të ye Arauna käm thïn, ku yiëkë yïk Bɛ̈nydït.”

2 Tham 24:25

Go yïk yiëk Bɛ̈nydït ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago Bɛ̈nydït lɔ̈ŋde piŋ, ku jɔ jɔk kɔ̈ɔ̈c ë Yithriɛl.

1 Mel 8:64

Në ee kööl manë, melik acï pëëric cil kekë biäk nu ë Luaŋdït thok bɛ̈n gäm Bɛ̈nydït, bïï miɔ̈c ye nyop ëbɛ̈n gam ëtɛ̈ɛ̈n ku miɔ̈c ë rap, ku kɔɔl ke miɔ̈c de mät ëbɛ̈n. Aa loi ee kënë në luɔi koor ë yïïŋ de maläŋ ku acïï miɔ̈c juëckë duëër lɛɛr ëbɛ̈n.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Ɣeberuu 13:10

Ku wook, wo de nïïm yïïŋ de läm gɛ̈ɛ̈iyë ku bäny ke kake Nhialic ee luui ë paany de Judai yic acïnkï nïïm kë cït ee kënë.

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

Bäny 21:3

“Bɛ̈nydït Nhialic de Yithriɛl, eeŋö looi ee kënë rɔt? Ënɔɔnë dhiën tök në Yithriɛlic akɔɔr nyin riäär?”

Bäny 6:24

Go Gidiɔn yïk yiëk Bɛ̈nydït ëtɛ̈ɛ̈n ku ciɛ̈k an, “Bɛ̈nydït ee Mät.” (Agut cï ee köölë aŋoot ke kääc në Opera de dhiën de Abiedher.)

Bäny 6:26

Ku jɔ yïïŋ piɛth yiëk Bɛ̈nydït Nhialinydu në ye të cï thuöör pinyë nɔm nhial, ku jɔ miɔɔr ë rou lɔ nyop ëbɛ̈n ke ye miɔ̈c, ku tiim ke nyup abïk aa tiim yaath ke Acera cïï yïn kïn de Acera yɛp piny.

1 Tham 7:17

Ku aaye yenɔm dak baaiden në Rama, të wään yen luui thïn ke ye bɛ̈ny de luk. Na wën ke yïk yïk Bɛ̈nydït në Rama.