Bäny 20:27 - JAM DE NHIALIC 2011

^27-28 Ku në aköölkë yiic athänduŋ de män ë Bɛ̈nydït aa nu ë Bethel ëtɛ̈ɛ̈n, ku Pineɣath wën ë Eleyadhar, wën ë Aron, aa lui ke ye bɛ̈ny de kake Nhialic ë yenɔm. Go kɔc Bɛ̈nydït luɔp an, “Duëërku bɛ lɔ thɔ̈ɔ̈r në mïthëkɔckuɔ kɔc ke Benjamin, ku buk mɔ̈l?” Go Bɛ̈nydït bɛ̈ɛ̈r an, “Lak thäärkï, miäk wek bä gäm tiëm bä wek keek tiaam.”

Bäny 20:27 ပူးပေါင်းရင်းမြစ်များ

2 Tham 7:6

Gɔl ɣɔn thɛɛr bɛ̈ɛ̈i yɛn Yithriɛl bei në Rip agut cï ënɔɔnë Yɛn kën kɔn rëër ë Luaŋdïtic, Yɛn aaye lɔ tɛ̈ɛ̈n ku tɛ̈ɛ̈n ke ya rɛ̈ɛ̈r në paany yic.

Yith 59:1

Du ye tak nɔn cïn ë Bɛ̈nydït riɛl bïï Yen we kony, ku nɔn yen miŋ ka cïï cɔ̈tduön kaar wek kuɔɔny ee piŋ!

Jeremia 7:12

Lakkï Cilo, të wään bäk kɔn lɔc tueŋ bï ë Yɛn aa lam thïn, ku tiëŋkï kë cä luöi yen në biäk de karɛc ke kɔckï Yithriɛl.

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Jocua 18:1

Na wään, aacï akutnɔm de kɔc ke Yithriɛl piny peec ëbɛ̈n, ke ke mɛt Cilo kedhie, ku piëëtkï paany de mät ëtɛ̈ɛ̈n.

Bäny 1:1

Na ɣɔn në thon de Jocua cök, ke kɔc ke Yithriɛl ë ke lɔ tëde Bɛ̈nydït bïk kë lee lɛ̈k keek lɔ piŋ. Gokï Bɛ̈nydït thiëëc an, “Ee dhiën nou në dhiënkuɔ yiic, dhiën bï lɔ tueŋ, ago tɔŋ lɔ thɔ̈ɔ̈r kekë Kanaan?”

Bäny 20:18

Go kɔc ke Yithriɛl lɔ Bethel, ku lopkï Nhialic an, “Eeŋa në woyiic bï kɔn lɔ tueŋ të le wok thɔ̈ɔ̈r ë kɔc ke Benjamin?” Ago Bɛ̈nydït bɛ̈ɛ̈r an, “Dhiën ë Juda abï lɔ tueŋ.”

1 Tham 10:3

Ku yïn jɔ baaric ëtɛ̈ɛ̈n ɣet ë tim ɣeric ë ɣök de Tabor. Yïn bï lɔ rɔ̈m wekë kɔc kadiäk ëtɛ̈ɛ̈n, kɔc lɔ Nhialic miɔɔc Bethel. Raan tök në keyiic athel thök bɔɔth kadiäk, ku raan däŋë amuk kuïïn cï pam kadiäk, ku raan ye kek diäk amuk athep thiäŋ ke mɔ̈u.