Bäny 20:26 - JAM DE NHIALIC 2011

²⁶ Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.

Bäny 20:26 ပူးပေါင်းရင်းမြစ်များ

Cäk 28:19

Ku ciëk ëtɛ̈ɛ̈n an Bethel. (Ɣön ë Nhialic) ku rin ke wut aake kɔn ke cɔl Ludh.

2 Tham 3:35

Gokï bɛ̈n tëde Debid bïk muk piɔ̈u ke bï këcam thiëëp të ŋoot piny ke ɣer. Go jaai ku kuëëŋ an, “Yɛn bïï Nhialic luöi këtuc të la yɛn kuïn cam ku nɔn ee däŋ pei të ŋoot akɔ̈l ke kën thëi!”

2 Lëk 20:3

Go melik Jeɣocapat riɔ̈ɔ̈c ku lɛ̈ŋ Bɛ̈nydït bï yen gäm riɛl. Na wën ke yɔ̈ɔ̈k kɔc kedhie bïk thek ku cïn raan cäm ë baai yic ëbɛ̈n.

Edhr 8:21

Ku ëtɛ̈ɛ̈n, në kiir de Aɣaba nɔm, yɛn cï kɔc bɛ̈n yɔ̈ɔ̈k buk thek koorku röt piny në Nhialic nɔm, buk thiëëc bïï wok tɛ̈ɛ̈k apiɛth në cäthda yic, ku kony wook në mïthkuɔ ku kakuɔ.

Jeremia 36:9

Në pɛɛi ë dhoŋuan ë ruöön ë dhïc wään ye Jeɣoyakim melik de Juda, go kɔc cäm rɛɛc ë biäk bï kek Bɛ̈nydït tɔ kok piɔ̈u ë keek. Cäm aa reec ë kɔc tɔ̈u ë Jeruthalem kedhie, ku lɔ kɔc cï bɛ̈n ë wuöt ke Juda yiic ëbɛ̈n.

Jowɛl 1:14

Caalkï thɛ̈k ɣeric, calkï amatnɔm! Matkï röördït nïïm ku kɔc cieŋ piny ë Juda kedhie bäk lɔ Luaŋdïït de Bɛ̈nydït Nhialicdun, ku läŋkï Bɛ̈nydït.

Jocua 24:1

Na ɣɔn, ke Jocua ë mat dhiëën ke Yithriɛl nïïm kedhie në Cekem. Cɔɔl röördït, ku bäny ke dhiën, ku bäny ke luk, ku bäny ke Yithriɛl. Agokï guëër në Nhialic nɔm.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Bäny 20:18

Go kɔc ke Yithriɛl lɔ Bethel, ku lopkï Nhialic an, “Eeŋa në woyiic bï kɔn lɔ tueŋ të le wok thɔ̈ɔ̈r ë kɔc ke Benjamin?” Ago Bɛ̈nydït bɛ̈ɛ̈r an, “Dhiën ë Juda abï lɔ tueŋ.”

Bäny 20:25

Na wën bïï kɔc ke Benjamin bɛ̈n bei ë Gibia, gokï aguum kathiëër ku bɛ̈t nɔ̈k ë kɔc ke Yithriɛliic, rem cï wëët në abätɛ̈ɛ̈u.

Bäny 21:2

Na ɣɔn ke kɔc ke Yithriɛl ë ke lɔ ë Nhialic nɔm ë Bethel, lek Nhialic lɔ̈ŋ ë ke cï ke röt jat nhial ke ke dhiau në dhiëndït, agut cï thëën an:

Bäny 21:4

Na ɣɔn amiäk ruu ë piny, go kɔc yïk yïk ëtɛ̈ɛ̈n, gokï miɔ̈c ye nyop ëbɛ̈n ku miɔ̈c de mät gam ë yenɔm.

1 Tham 11:4

Ago kɔc ë toc ɣet Gibia të nu Thaulo. Na wën aa lëkkï kɔc thoŋ ë bïïkï, go kɔc dhiau aläl në jiɛthëpiɔ̈u.

1 Tham 7:6

Agokï kenïïm lɔ kut Midhpa. Gokï pïïu gem, ku wɛ̈lkï keek piny ke ye miɔ̈c de Bɛ̈nydït, ku reeckï këcam ee köölë yic ëbɛ̈n. Gokï lueel an, “Wok cï awäc luöi Bɛ̈nydït.” (Go Thamwɛl agööth ke Yithriɛl guiir në Midhpa.)