Bäny 20:25 - JAM DE NHIALIC 2011

²⁵ Na wën bïï kɔc ke Benjamin bɛ̈n bei ë Gibia, gokï aguum kathiëër ku bɛ̈t nɔ̈k ë kɔc ke Yithriɛliic, rem cï wëët në abätɛ̈ɛ̈u.

Bäny 20:25 ပူးပေါင်းရင်းမြစ်များ

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

Cäk 49:27

“Benjamin acït aŋuïn cï jök. Aŋuïn ee cool ke näk ku cuët, thëën ku miäk.”

Diɛt 97:2

Acïï luät kekë mɔ̈ɔ̈th gɛɛu cil, piathëpiɔ̈u ku yic kek aye këërkëër de thönyde.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Romai 11:33

Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï?

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Bäny 20:21

Go kɔc ke Benjamin bɛ̈n bei ë Gibia, ku nɛ̈kkï aguum kathiërrou ku rou 22,000 në rem de tɔŋ de Yithriɛlic ee köölë.

Bäny 20:24

Gokï lɔ thɔ̈ɔ̈r ë rem de tɔŋ de Benjamin ë kööl ë rou.

Bäny 20:26

Ago kɔc ke Yithriɛl kedhie lɔ Bethel, ku dhiaukï ëtɛ̈ɛ̈n ë Bɛ̈nydït nɔm, ku reeckï cäm abï akɔ̈l lɔ piny. Gokï Bɛ̈nydït gäm miɔ̈c ye nyop ëbɛ̈n, ku miɔ̈c de mät.