Bäny 20:21 - JAM DE NHIALIC 2011

²¹ Go kɔc ke Benjamin bɛ̈n bei ë Gibia, ku nɛ̈kkï aguum kathiërrou ku rou 22,000 në rem de tɔŋ de Yithriɛlic ee köölë.

Bäny 20:21 ပူးပေါင်းရင်းမြစ်များ

Cäk 49:27

“Benjamin acït aŋuïn cï jök. Aŋuïn ee cool ke näk ku cuët, thëën ku miäk.”

2 Lëk 28:10

Ku ënɔɔnë wek kɔɔr bäk diäär ku röör ke Juda ku Jeruthalem tɔ ee lïïmkun. Kënkï ŋic nɔn cä wek awäc luöi Bɛ̈nydït Nhialicdun ayadäŋ?

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Diɛt 77:19

Yïn ee cath në apiöökic, ku tem wɛ̈ɛ̈r thuth, ku të cï käc në Yïcök acïï duëërë tïŋ.

Diɛt 78:62

Acï piɔ̈u diu kekë kɔcke, go keek tɔ nɛ̈k ë kɔckɛn ke ater.

Jeremia 12:1

Go Jeremia lueel an, “Bɛ̈nydït na luɛɛl göönydï wo Yïn, Yïn bïï yök ke yï de nɔm yic. Ku Yïn bä dhil luɔp në biäk de kake guiɛɛr de löŋ yic. Eeŋö ye kɔc ee karɛc looi kuɛth? Eeŋö ye kɔc ee ruëëny looi tiam?

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Nyöŋ 23:9

“Të täu wek ë paanyic, në akööl ke tɔŋ, wek bï këriëëc ëbɛ̈n dhil nyaai, ke bï week tɔ rac gup në biäk de ciɛɛŋ.

Bäny 20:20

Ago kɔc ke Yithriɛl kɔc ke Benjamin lɔ mak, ku tɔkï tɔŋden wel e nɔm Gibia

Bäny 20:22

Go kɔc ke Yithriɛl bɛ lɔ tëde lɔ̈ŋ në Bɛ̈nydït nɔm ke ke dhiëëu kɔcken agut cï thëën. Ku lopkï Bɛ̈nydït an, “Buk bɛ lɔ thɔ̈ɔ̈r në mïthëkɔckuɔ kɔc ke Benjamin?” Go Bɛ̈nydït lɛ̈k keek an, “Ɣɛɛ, lak thäärkï në keek.” Go kɔc ke Yithriɛl ke piɔ̈ɔ̈th riit, ku bekï lɔ tɔŋ ku kɛ̈ɛ̈ckï të wään kɔn kek kɔ̈ɔ̈c thïn.

Bäny 20:25

Na wën bïï kɔc ke Benjamin bɛ̈n bei ë Gibia, gokï aguum kathiëër ku bɛ̈t nɔ̈k ë kɔc ke Yithriɛliic, rem cï wëët në abätɛ̈ɛ̈u.