Bäny 2:21 - JAM DE NHIALIC 2011

²¹ Yɛn cïï juöör bï bɛ cuɔp wei, juöör wään ŋoot ë ke rɛ̈ɛ̈r në week ɣɔn thou ë Jocua.

Bäny 2:21 ပူးပေါင်းရင်းမြစ်များ

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

Jocua 23:4

Ku aŋiɛckï nɔn cän dhiëënken tɛ̈k piiny ke juöör, tɔkï ee piinyken, piiny ke juöör ŋoot ke ke kënë peec, ku piiny ke juöör cä peec, gɔl në Jordan ale guut Wɛ̈ɛ̈rdïït ɣer kɔ̈u të lɔ aköl athɛ̈i.

Jocua 23:5

Abïï Bɛ̈nydït Nhialicdun ke cuɔp wei në wenïïm tueŋ. Abï Bɛ̈nydït ke tuöör wei në wenïïm, ka piny abï lɔ̈ɔ̈k aa këdun cït man cï Yen ë thɔ̈n week.

Bäny 1:1

Na ɣɔn në thon de Jocua cök, ke kɔc ke Yithriɛl ë ke lɔ tëde Bɛ̈nydït bïk kë lee lɛ̈k keek lɔ piŋ. Gokï Bɛ̈nydït thiëëc an, “Ee dhiën nou në dhiënkuɔ yiic, dhiën bï lɔ tueŋ, ago tɔŋ lɔ thɔ̈ɔ̈r kekë Kanaan?”

Bäny 2:3

Ku ënɔɔnë abä lueel aya an, “Acä keek bï bɛ cop në wenïïm, ku abïk aa kuɔɔth guut weyöth. Ku yiëthken abïk aa wïïn ke dɛ̈p tëde week.

Bäny 3:1

Na ɣɔn ke Bɛ̈nydït ë nyiëëŋ juöör kɔ̈k piny, bïk kɔc ke Yithriɛl them, kɔc kën tɔŋ kɔn thɔ̈ɔ̈r ë kɔc ke Kanaan.

Bäny 3:3

Juöör ɣɔn cï nyääŋ piny ee wuöt kadhïc ke kɔc ke Pilithiin, kɔc ke Kanaan kedhie, kɔc ke Thidon, ku kɔc ke Ɣib rɛ̈ɛ̈r në kur ke Lebanɔn, gɔl në kuur dïït ë Baal Ɣermon ɣeet në kueer ee lɔ Ɣamath,