Bäny 2:17 - JAM DE NHIALIC 2011

¹⁷ Ku kɔc ke Yithriɛl akënkï jam de bäny ee löŋ guiir piŋ, acïk yiëth kɔ̈k kuany cök ku yek keek lam. Wärken ɣɔn aake ye lööŋ ke Bɛ̈nydït riëëu, ku remë acïï lööŋ ke Bɛ̈nydït ee riëëu.

Bäny 2:17 ပူးပေါင်းရင်းမြစ်များ

Diɛt 106:39

Keek acïk kegup tɔ rac ë biäk de luɔiden, ku cïnkï piɔ̈ɔ̈th adöt tëde Nhialic.

Diɛt 106:43

Bɛ̈nydït ee kɔcke luök raan juëc, ku ayek ŋoot ke reeckï thok ku jɔkï lɔ mou ë kërac yic.

Diɛt 73:27

Kɔc ee Yïn nyääŋ piny abïk thou ë yic, Yïn bï kɔc cïn adöt tëde Yïn riɔ̈ɔ̈k.

Bɛ̈n 32:8

Acïk kueer wään lɛ̈k keek puɔ̈l. Acïk röt lɔ̈ɔ̈k luöi dan adhääp, ku gëmkï miɔ̈c, ku lamkï. Ayek lueel an ee yen nhialicdɛn wään wët keek bei Rip ka.

Jeremia 3:6

Ɣɔn ye Jothia melik, go ë Bɛ̈nydït lɛ̈k ɛn an, “Cï kë cïï Yithriɛl looi tïŋ, kë cïï tiiŋ cïn piɔ̈u adöt looi? Acï rɔt yal wei tëde Yɛn, acïn të kën en tɔ̈c ke röör thïn, në ee kurkë nïïm nhial, ayï tiim tɔ̈c thäär acï yen tɔ̈c ke röör.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Ɣodh 2:2

“Jänykï mɔɔrdun mïthkï, na cakaa nɔn cï yen a puɔ̈l ku tɔ rɔt ee tiiŋ ë mony däŋ. Jamkï në yen, takï päl kɔ̈ɔ̈r ë röör ku cäth thïn. Ku ë cïï rɔt be gäm röör.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Galatai 1:6

Yɛn gäi! Ë kë cä wek röt guɔ rat wei wäkya ë Raan lɔ̈ɔ̈m Raan cï we caal ë dhuëëŋic dhuëëŋ de Kërtho piɔ̈u, lak wëlpiɛth kɔ̈k gam.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 31:18

Ku ë yic ë köölë yɛn bï thiaan në keek, në biäk de karɛckɛn cïk looi ëbɛ̈n, ë gɛm cï kek röt gäm yiëth kɔ̈k.

Nyöŋ 9:12

“Na wën, ke Bɛ̈nydït ë yɔ̈ɔ̈k en, an, ‘lɔɔr piny raan tök ë kuur nɔm, kɔckuön wään bɛ̈ɛ̈iyë bei ë Rip, acïk riääk ku aloikï kërac. Acïk röt yal wei në këdiën cä lɛ̈k keek an bïk looi, ku acïk röt luöi yanh däŋ.’

Nyöŋ 9:16

Acä tïŋ luöi cä wek lööŋ cïï Bɛ̈nydït Nhialicdun gäm week guɔ rɛɛc, ka we cï awäc luöi Yen, në luɔi cä wek röt luöi yanh akäl ë miɔɔr cï looi ë wëëth.

Jocua 24:24

Gokï lɛ̈k Jocua an, “Wok bï Bɛ̈nydït Nhialicda luööi, ku dötku lööŋke.”

Jocua 24:31

Go kɔc ke Yithriɛl Bɛ̈nydït luööi në akööl ke Jocua, ku luuikï në akööl ke röördït ɣɔn löök tɔ̈u në Jocua cök, kɔc ɣɔn ŋic këriëëc cïï Bɛ̈nydït luöi Yithriɛl ëbɛ̈n.

Bäny 2:7

Ɣɔn ŋoot ë Jocua ke pïïr, kɔc ke Yithriɛl luui Bɛ̈nydït, aɣet cï thonde. Ku në thonde cök ŋoot ke ke luui Bɛ̈nydït, wään pïïr ë röördït ɣɔn cï göök tïŋ gupken, göök ɣɔn cïï Bɛ̈nydït ke nyuöth kɔc ke Yithriɛl.

Bäny 8:33

Në thon ë Gidiɔn cök, kɔc ke Yithriɛl akënkï bɛ aa döt tëde Nhialic, gokï Baal lam. Ku tɔkï Baal Berith ee yanhden.

1 Tham 12:12

Na ɣɔn tiëŋ wek Naɣac melik de Ammon ke kɔɔr bï wek yiɛ̈n tɔŋ, guɔkï Bɛ̈nydït rɛɛc ke ye melikdun ku lɛ̈kkï yɛn an ‘Wok kɔɔr melik bï wook aa wat.’

1 Tham 12:17

Piny cie mɔ̈i ënɔɔnë të ye agamɔ tem, cie täu de ka? Ku yɛn bï lɔ̈ŋ, ke Bɛ̈nydït bï deŋ tɔ rel ku tueny deŋ, ku të cïï kënë tuöl, ka bäk ŋic nɔn yen awäny dït yen cäk luöi Bɛ̈nydït, në kë cä wek Yen thiëc ë melik.”

1 Tham 12:19

agokï lɛ̈k Thamwɛl an, “Bɛ̈ny, läŋ Bɛ̈nydït Nhialicdu, ke wo cïï bï thou. Ku ënɔɔnë acuk ŋic, na ciɛk dɛk karɛckuɔn kɔ̈k, ke wok cï wäc në baŋ cïï wok melik kɔɔr.”