Bäny 2:13 - JAM DE NHIALIC 2011

¹³ Acïk Bɛ̈nydït pɔ̈l në läm ku lɛmkï Baal kekë Acetaroth.

Bäny 2:13 ပူးပေါင်းရင်းမြစ်များ

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

1 Mel 11:5

Tholomon acï Acetoreth lam yanh de Thidon, ku Molek yanh de Ammon.

2 Mel 23:13

Ku melik ë ɣään thöny ɣɔn nu ë Jeruthalem biäk të lɔ aköl amiäk tɔ nhiany, ku ka nu ë kuur de Olip biäk të lɔ wöuwic, ɣɔn cïï melik Tholomon yiëk Acetoreth yanh de Thidon rɛɛc mɛɛn Bɛ̈nydït, ku yïk Cemoc yanh ë Mowap rɛɛc mɛɛn Bɛ̈nydït, ku yïk Molek yanh ë Amon rɛɛc mɛɛn Bɛ̈nydït.

2 Lëk 12:2

Në ruöön ye Reɣobowam run dhïc ke ye melik, në luɔi kën kek Bɛ̈nydït riëëu. Go Cicak melik de Rip Jeruthalem mak

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:3

Acï kake läm ë yiëth bɛ nyɔk ë yïk, ka ɣɔn cïï wun Ɣedhekia keek dhuɔŋ piny. Acï yïk ke Baal yïk, ku cuëëc kïn de yanh tik Acera, ku lɛm kuɛl.

2 Lëk 7:22

Ku abïï ë kɔc puk nɔm an, ‘Ee luɔi cïï kek Bɛ̈nydït Nhialicden pɔ̈l, raan wään bïï kuarken bei ë Rip. Acïk yiëth kɔ̈k lɔ lam. Yeka cïï ë Bɛ̈nydït ee riäŋë tuöc keek.”’

Diɛt 106:36

Kɔc ke Nhialic acïk yiëth lam, ku acï keek thɛ̈l riääk.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Kuɛ̈n 25:3

Ago kɔc ke Yithriɛl mɛt në läm de Baal de Peyor yic. Go Bɛ̈nydït piɔ̈u diu ke keek arëët.

1 Kor 8:5

Ku na ciɛk dɛ ka cï tɔ ye yiëth: nɔn ee yen tënhial ku nɔn ee yen ë piny nɔm, cït man nu yiëth juëc, ku nu bäny juëc,

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 2:11

Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 31:10

Ëtɛ̈ɛ̈n gokï kakɛn ë tɔŋ tääu ë luaŋ de yanh cɔl Acetaroth yic, ku jɔkï guöpde piäät në päny de wun cɔl Beth Can kɔ̈u.

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”