Bäny 2:12 - JAM DE NHIALIC 2011

¹² Ku pälkï Bɛ̈nydït Nhialic de kuarken, Nhialic wään bïï keek bei piny de Rip, ku yek yiëth kɔ̈k lam, yiëth ke kɔc rɛ̈ɛ̈r ë keek, ku yek kenïïm guöt piny ë kenïïm, ku jɔkï Bɛ̈nydït tɔ göth.

Bäny 2:12 ပူးပေါင်းရင်းမြစ်များ

Diɛt 106:36

Kɔc ke Nhialic acïk yiëth lam, ku acï keek thɛ̈l riääk.

Diɛt 78:58

Acïk yen tɔ gɔ̈th, në biäk de ɣäänkɛn ye kek yiëth lam thïn, ku yiëthken acïk en tɔ diu piɔ̈u.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:16

Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 29:18

Dɔ̈tkï apiɛth nɔn bï yen ciën moc, ayï tik, ayï baai, ayï dhiën, në kɔc kääc ee në ee köölë bï rɔt wɛl wei në Bɛ̈nydït Nhialicda bïï yiëth ke juöör kɔ̈k lɔ lam. Kënë abï ciët mei ee luɔk ke kec ku bïï mïth ke awɔɔk.

Nyöŋ 29:25

Ku abïï aa bɛ̈ɛ̈r alëyɔ̈ɔ̈, an, “Ee biäk cïï kɔc ke Bɛ̈nydït löŋ cïk mac në Yen dhoŋ kɔ̈u, Nhialic de kuarken, wään bïï Yen keek bei ë Rip.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 33:17

Jothep ade nɔm riɛl de thɔn, kekë tuŋ ke thɔn cï jök, tuŋke ayek aguum ke Manatha, ku aguum kathiëër ke Eparaim, ku në ee tuŋkë ayen ke juöör guööt, ku jiëp keek ë piny thar.”

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Bäny 10:11

Go Bɛ̈nydït bɛ̈ɛ̈r, an, “Wään ë we kɛ̈n luök në kɔc ke Rip cin, ku kɔc ke Amor, ku kɔc ke Ammon, ku kɔc ke Pilithiin.

Bäny 5:8

Të wään cï kɔc ke Yithriɛl yiëth kɔ̈k lam, tɔŋ acï bɛ̈n thɔ̈ɔ̈r wutic. Cakaa nɔn ye rem de tɔŋ de Yithriɛl bot kathiërŋuan 40,000, aa cïn raan töŋ de köt kekë tɔŋ në keyiic.

Bäny 8:33

Në thon ë Gidiɔn cök, kɔc ke Yithriɛl akënkï bɛ aa döt tëde Nhialic, gokï Baal lam. Ku tɔkï Baal Berith ee yanhden.