Bäny 2:11 - JAM DE NHIALIC 2011

¹¹ Na ɣɔn ke kɔc ke Yithriɛl ë ke jɔ kërac looi në Bɛ̈nydït nyin, ku yek Baal lam.

Bäny 2:11 ပူးပေါင်းရင်းမြစ်များ

Cäk 13:13

Ku kɔc ke Thɔdom aake cï göök dït ke karɛc wäc Bɛ̈nydït.

Cäk 38:7

Ku Er wën kɛ̈i de Juda aaye karɛc looi, go Bɛ̈nydït wööc piɔ̈u, go Bɛ̈nydït e nɔ̈k.

1 Mel 11:5

Tholomon acï Acetoreth lam yanh de Thidon, ku Molek yanh de Ammon.

1 Mel 18:18

Go Elija pɔ̈k nɔm en, an, “Acie yɛn ë non Yithriɛl, ee yïn wekë baai de wuur. Wek ë lööŋ ke Bɛ̈nydït pɔ̈l ku lamkï yiëth ke Baal.

1 Mel 22:53

Ee yanh cɔl Baal lam ku luui, cït wun wään kɔn nu në yenɔm tueŋ, ago Bɛ̈nydït, Nhialic de Yithriɛl tɔ göth.

2 Lëk 28:2

ago ka ye meliik ke Yithriɛl looi kuany yiic. Acï rɔt luöi kïn de yanh de Baal ë thäth në wëëth,

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

2 Lëk 33:6

Go mïthke gam ke ke ye miɔ̈c ye nyop ëbɛ̈n në Wak de Ɣinom yic. Ku ye cɔ̈ɔ̈r, ku ye thuëth. Acï karɛc luöi Bɛ̈nydït, ago gɔ̈th ke yen.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Diɛt 78:56

Ku acïk bɛ̈n gɔ̈th ë Nhialic Awärjäŋ, ku tɛ̈ɛ̈ukï në thëmic, akënkï lööŋke riëëu,

Jeremia 11:10

Acïk lɔ ciëën ë karɛc ke kuarken yiic, kɔc wään reec luɔi de kë cä lueel, acïk yiëth kɔ̈k lam. Baai de Yithriɛl ku baai de Juda acïk löŋ cä mac wo kuarken dhoŋ kɔ̈u kedhie.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 2:20

Aye Bɛ̈nydït lueel an, “Yithriɛl ɣɔn thɛɛr yïn aacï bäänydï rɛɛc, yïn cï jaai bä ya riëëu ku lam Ɛn. Në kur bär nïïm ëbɛ̈n, ku në tiim tɔ̈c thäär ëbɛ̈n, yïn aaye yiëth ee käŋ tɔ lok lam.

Jeremia 2:23

Eeŋö duɛ̈ɛ̈r yïn e lueel nɔn kën yïn rɔt dhiöök, an kënë Baal kɔn lam? Tïŋ awäny cï looi në wakic, tïŋ ka cï looi. Yïn cï cït thɔ̈rɔ̈l roor cï guöp tuöc, thɔ̈rɔ̈l ee cökke nyɔ̈ɔ̈kiic,

Jeremia 32:23

Ku wään cï kek bɛ̈n ee pinyë ku nömkï, akënkï lööŋku bɛ̈n riëëu, ku akënkï rëër ë wëëtdu yic, acïn kë cïk looi në ka wään cï lɛ̈k keek yiic. Ago ee riääkkë ëbɛ̈n jɔ yiɛ̈n keek.

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Kuɛ̈n 25:3

Ago kɔc ke Yithriɛl mɛt në läm de Baal de Peyor yic. Go Bɛ̈nydït piɔ̈u diu ke keek arëët.

Nyöŋ 31:16

Ago Bɛ̈nydït lɛ̈k Mothe, an, “Yïn bï lony wekë wärkuön ku kɔckë abïk röt gäm yiëthkɛn ke piny lei rëër kek thïnë, abïk yɛn pɔ̈l ku dhoŋkï män cä looi wokë keek.

Nyöŋ 4:25

“Ayï miäk të la wek ceŋ aläl ee paanë, ku lak nïïm dɛ mïth ku mïth ke mïthkun, duökï kërac loi, në luɔi bä wek röt luöi yanh de guöp taitai. Kënë arac në Bɛ̈nydït nyin, ku abï Yen tɔ göth.

Bäny 10:10

Na wën ke kɔc ke Yithriɛl ë ke läŋ Bɛ̈nydït, an, “Wo cï karɛc luöi Yïn, wok cï Nhialicda puɔ̈l ku yok Baal lam.”

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.

Bäny 13:1

Na ɣɔn ke kɔc ke Yithriɛl ë ke be kërac looi ë Bɛ̈nydït nyin, ago ke tɔ kuum ë kɔc ke Pilithiin ë run kathiërŋuan.

Bäny 3:12

Na wën ke kɔc ke Yithriɛl ë ke be kërac looi në Bɛ̈nydït nyin, go Bɛ̈nydït Eglon Melik de Mowap tɔ ril awär Yithriɛl.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 4:1

Ɣɔn cï Eɣud thou ke kɔc ke Yithriɛl ë ke nyɔk luɔi de kërac në Bɛ̈nydït nyin.

Bäny 6:1

Na ɣɔn ke kɔc ke Yithriɛl ë be kërac looi në Bɛ̈nydït nyin, go keek tɔ kuum ë kɔc ke Midian ë run kadhorou.

Bäny 6:25

Në ye wɛ̈ɛ̈rë yic, ke Bɛ̈nydït ë yɔ̈ɔ̈k Gidiɔn an, “Nöm miɔɔr ë wuur, ku miɔɔr däŋ ee run dhorou ku jäpë yïïŋ de Baal ë wuur piny, ku yɛpë kïn de yanh tik cɔl Acera piny, tɔ̈u në ye lɔ̈ɔ̈m.

Bäny 8:33

Në thon ë Gidiɔn cök, kɔc ke Yithriɛl akënkï bɛ aa döt tëde Nhialic, gokï Baal lam. Ku tɔkï Baal Berith ee yanhden.

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”

1 Tham 7:4

Ago Yithriɛl yiëth ku ka ye lam nyuɔp piny, ayï Baal ku Acetaroth. Ku jɔkï Bɛ̈nydït lɔ̈ŋ Yetök.