Bäny 19:6 - JAM DE NHIALIC 2011

⁶ Na wën ke ke nyuc piny ku ciëmkï ëtök. Na wën ke lueel wun duet an, “Wek duëër niin ee köölë ku tɔ yï piɔ̈u mit.”

Bäny 19:6 ပူးပေါင်းရင်းမြစ်များ

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

1 Mel 21:7

Go yɔ̈ɔ̈k ë tiiŋdɛn Jedhebel, an, “Cie yïn nu ë ciɛɛŋ ë Yithriɛl nɔm ënɔɔnë? Jɔt rɔt, cämë, ku tɔ yïpiɔ̈u mit yïn bä gäm dom de enap de Naboth raan ë Jedhreel!”

Ethta 1:10

Na ɣɔn ë kööl ee nïn ke dhuëëŋ dhorou, go melik Athuwereth rɔt yök ke cïï mɔ̈u lɔ ë yenɔm, go roockɛn ee ye luööi kadhorou cɔɔl yï: Meɣuman kekë Bidha ku Ɣarbona ku Bigtha ku Abagatha ku Dhethar ku lɔ Karkath.

Diɛt 104:15

ago mɔ̈u luɔk ke bï ke tɔ mit piɔ̈ɔ̈th, ku miök de olip ee ke tɔ lɔ piɔ̈ɔ̈th yum, ku kuïn bï ke gäm riɛl.

Luk 12:19

Ku yɛn bï piɔ̈ndï yɔ̈ɔ̈k an, piɔ̈ndï, kakuön juëc acï ke tɔ̈ɔ̈u bïk run juëc lɛɛr, jɔ lɔ̈ŋ tei, ye cam, ku ye dek, abä piɔ̈u aa miɛt.’

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

Nyuuth 11:10

Go kɔc rɛ̈ɛ̈r ë piny nɔm gokï piɔ̈ɔ̈th miɛt në thonden, ku dɔlkï, ku abïk röt miɔɔc ë käŋ kapäc, luɔi cï tïtkë kaarou kɔc rɛ̈ɛ̈r ë piny nɔm leeŋ wëi.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Bäny 19:7

Na wën aa jɔt lebai rɔt bïï jäl, go monywun e lɔ̈ŋ, go niin ëtɛ̈ɛ̈n ee wɛ̈ɛ̈rë yic.

Bäny 19:9

Na wën aa jɔ Lebai jäl kekë tiiŋ mɔ̈thde, ku raan ee ye luööi, go monywun, yen wun duet lueel an, “Ënɔɔnë tïŋ acï guɔ aa thëën, niɛnkï ee tënë ku tɔ yï piɔ̈u mit. Ku miäk aduduur, we bï röt jɔt ku lakï wundun.”

Bäny 9:27

Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.

Ruuth 3:7

Na wën, aacï Bowadh thök ë cäm ku dëk, ku cï piɔ̈u miɛt, ke lɔ tɔ̈c ë jöŋ de barli kɔ̈u ciëën. Go Ruuth lɔ në yelɔ̈ɔ̈m ë määth, ku yɔɔt lupɔ wei në yecök, ku tɔ̈ɔ̈c.

1 Tham 25:36

Na wën le Abigail tëde Nabal, go yök ke loi gökdïït de dhuëëŋ cït man ë kë de melik, aacï wiɛɛt aläl, go ciën kë lëk en agut të le piny ruu.