Bäny 19:12 - JAM DE NHIALIC 2011

^12-13 Go bɛ̈nyde bɛ̈ɛ̈r an, “Ei, wok cïï bï lɔ wun ë juöör kɔ̈k, kɔc cie Yithriɛl, wo bï ɣet tueŋ Gibia ku nɔn ee Rama wok bï tëde nïn lɔ yök.” Bäär themku buk ɣet Gibia ku nɔn ee Rama, buk lɔ niin wun tök ee wuötkë yiic.

Bäny 19:12 ပူးပေါင်းရင်းမြစ်များ

Yith 10:29

Acïk kueer teem kɔ̈u, ku lek niin ë Geba! Kɔc nu wun cɔl Rama acïk riɔ̈ɔ̈c, ku kɔt kɔc nu ë Gibia wun ë yï melik Thaulo.

Ɣodh 5:8

Kuɔthkï kɛŋ ke tɔŋ në Gibia, ku lɛ̈kkï kɔc ke Rama. Kiɛɛukï tɔŋ në Bethaben. Guiɛɛrkï röt baai de Benjamin ee wek abï tɔŋ miɔ̈ɔ̈c.

Ɣodh 9:9

Acïk cur arëët në luɔi de karɛc yiic, cït man ɣɔn kɔn kek cur në akööl ke Gibia. Nhialic acïï nɔm bï määr në karɛcken. Abï keek luöi këtuc në biäk de awɛ̈ɛ̈cken.

Jocua 18:25

Ku wuöt kɔ̈kken ee yï Gibiɔn kekë Rama, ku Beeroth,

Jocua 18:28

ku Dhela, ku Ɣalep, ku Jebuth (yen aye Jeruthalem), ku Gibia, ku Kiriath Jiriim. Aake ye pɛ̈ɛ̈nydït kathiëër ku ŋuan kedhie, mɛ̈tkï në bɛ̈i thiääk në keek. Yen piny ë nööm ë dhiën ë Benjamin ka, ke ye pinyden.

Bäny 19:11

Na wën aa cïk thiääk ë Jebuth, ke piny ë go cuɔl, go raan ee ye luööi ye yɔ̈ɔ̈k an, “Eeŋö cï wok nin wun ë kɔc ke Jebuth?”

1 Tham 10:26

Ku jɔ Thamwɛl jäl ayadäŋ ke lɔ Gibia. Ago kɔc riil cïï Nhialic gut piɔ̈ɔ̈th cath në yen ëtök.

1 Tham 13:2

Ago Thaulo aguum kadiäk 3000 ke rem de tɔŋ guiir, ku tɔ aguum kaarou dɔ̈ŋ në yen ë Mikmac ku në piny ë kuur ë Bethel yic, ku tooc agum 1000 de rem ë tɔŋ kekë wënde Jɔnathan bïk lɔ Gibia, piny de dhiën ë Benjamin. Ku tɔ Thaulo kɔc kɔ̈k dɔk kenïïm baai.