Bäny 18:29 - JAM DE NHIALIC 2011

²⁹ Agokï wut cäk an Dan, rin ke kuɛɛrëdɛn ɣɔn dhiëëthë Yithriɛl, ku rin ke wut thɛɛr acɔl Laic.

Bäny 18:29 ပူးပေါင်းရင်းမြစ်များ

Cäk 14:14

Na wën, aa piŋ Abram luɔi cï wën ë mänhë jɔt, ke cɔl kɔckɛn ke tɔŋ, kɔc nu në yen. Aake ye bot kadiäk ku thiëër ku bɛ̈t kedhie. Agokï meliikë kaŋuan kuany cök agut cï Dan.

Cäk 30:6

Ago Racel lueel an, “Nhialic ë ya jɔ piŋ thok, ku luɛ̈k ɛn, ka ë ya gäm meth.” Ku jɔ meth cäk an Dan.

Cäk 32:28

Go raan lɛ̈k en an, “Rinku acï ke bï bɛ cɔl Jakop, abï ke cɔl Yithriɛl. Në luɔi cïn thɔ̈ny we Nhialic, ku kɔc ayadäŋ, ku tiëmë.”

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

1 Mel 15:20

Go melik Benɣadad gam në kë cï Atha thiëc en, ku tooc bɛ̈ny de remdɛn ë tɔŋ në wuöt ke Yithriɛliic ku peckï Yijon ku Dan ku Abel Beth Maaka, ku piny thiääk ke Baar ë Galili, ku aken ë Naptali.

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Nyöŋ 34:1

Go Mothe jäl në riaaŋ de Mowapic ke lɔ të nu kuur de Nebo, leer në kuur de Pithga nɔm në Jeriko të lɔ aköl amiäk. Go Bɛ̈nydït nyuöth piny ëbɛ̈n ëtɛ̈ɛ̈n, gɔl në paan de Giliyad ɣeet rut ya të lɔ wun de Dan.

Jocua 19:47

Na ɣɔn aken kɔc ke Dan pinyden lëu në pɛ̈c, ke ke lɔ Lecem mɔɔk piny. Ku rumkï, ku näkkï kɔcke, ku tɔkï ee wunden. Ku piɔ̈ɔ̈tkï thïn ëtɛ̈ɛ̈n ku waarkï rin ke Lecem ku ciëkï rin an Dan në rin ke kuɛɛrëden.

Bäny 18:7

Ago röörkë kadhïc jäl, ku lekkï Laic, gokï kɔc rɛ̈ɛ̈r ëtɛ̈ɛ̈n tïŋ ke ke rɛ̈ɛ̈r ë lik, cï kɔc ke Thidon. Acïn kë diir keek ku lek yum. Në luɔi ye pinyden ŋiëc luɔk, acïk kuɛth. Ku keek ayadäŋ arëërkï tëmec ë kɔc ke Thidon, ku cïn wuöt kɔ̈k de kek nïïm amat.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.