Bäny 17:3 - JAM DE NHIALIC 2011

³ Go wëu pɔ̈k nïïm man, ago man lueel an, “Në luɔi bän aciɛɛn pëën ke cïï lööny ë wëndï guöp, yɛn bï gutguut looi, ku gäm ee wëukë Bɛ̈nydït. Tim de yath abïï guaŋ ku kum kɔ̈u në ateek. Ku ënɔɔnë yɛn bï wëukë bɛ pɔ̈k nɔm yïn.”

Bäny 17:3 ပူးပေါင်းရင်းမြစ်များ

2 Lëk 33:7

Ku tɛ̈ɛ̈u kë cï cuëëc ë ɣön ë Nhialicic, të cïï Bɛ̈nydït Nhialic lɛ̈k Debid ku wënde Tholomon an: “Në Jeruthalem eenë, në ɣön ë Bɛ̈nydïïtë, yen ee të cä lɔc në wuöt ke dhiëën ke Yithriɛl yiic ëbɛ̈n kathiëër ku rou, ke ee të bï ë Yɛn aa lam thïn.

Bɛ̈n 20:23

Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp.

Bɛ̈n 20:4

“Du rɔt lui yanh thöŋ guöp kekë kë nu nhial, ku nɔn ee yen kë nu ë tiɔp nɔm, ku nɔn ee yen kë nu në pïïuwiic në tiɔp thar piny.

Bɛ̈n 34:17

“Duökï röt lui yiëth ke wëëth, ku lamkï keek.

Yith 30:22

Wek bï yiëthkuön ke ateek ku yiëth ke adhääp cuat wei, cït man aa cool ke we kïïu an, “Lakkï ya në wolɔ̈m!”

Yith 66:3

“Kɔc ayek ka nhiaarkï looi. Käŋ ëbɛ̈n akïtkï tëde keek: raan cï thɔn nɔ̈k acït raan ë näk raan, ku raan cï nyɔɔŋ amääl nɔ̈k acït raan ë dhoŋ jö yeth, ku raan ë gɛm miɔ̈c ë rap acït raan ë gɛm riɛm de kudhur, ku raan ë gɛm wal ŋïr nɔn ee läŋ acït raan ë lam yiëth. Ayek piɔ̈ɔ̈th miɛt në kuɛɛr rac ke läm.

Jeremia 10:8

Keek kedhie ayek dhän ku piɔlkï piɔ̈ɔ̈th. Eeŋö duëërkï ŋic tëde yiëth cï looi ë tim? Kë ye yiëthken wɛ̈ɛ̈t acïn kony.

Lebai 19:4

Duökï röt ee luöi ka ye lam, ka cï guaŋ në tiim ayï yiëth. Ee Yɛn Bɛ̈nydït Nhialicdun.

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Nyöŋ 12:3

Wek bï yïkken dhil thuöör piny, ku riäk wai ke kurkɛn yaath abïk lɔ thorthor, nyop kïn de yanh de tik Acera ku yɛpë yiëthken piny, ago keek cïï bï bɛ lam në ee ɣäänkë yiic.

Nyöŋ 27:15

‘Aciɛɛn de Nhialic abï tɔ̈u ë raan yeth, raan ee yiëth looi në kuur, ku tim, ku wëëth, ku ye keek lam në cuëër, Bɛ̈nydït aman läm de yiëth.’ “Ku abïï kɔc kedhie jɔ bɛ̈ɛ̈r an, ‘Amiin!’

Bäny 17:13

Go Maika lueel, an, “Ënɔɔnë, Bɛ̈nydït abï ya jɔ thieei në luɔi ye Lebai gunydï.”

Bäny 17:2

Na wën ke lɛ̈k man an, “Wään bï raan bot ka thiëër ku tök (1,100) ke ateek kual tëde yïn, yïn cï raanë bɛ̈n läm aciɛɛn. Acä piŋ ke luel. Tïŋ wëukï atɔ̈ukï tëde yɛn, ee yɛn ë nöm keek.” Go man jɔ lɛ̈k en an, “Bɛ̈nydït abï yï thieei wëndï!”

Bäny 17:4

Na wën, ke ke jɔ pɔ̈k nïïm man, ago bot kaarou ke atek nööm, ku gëm ke atën ee thäth ë atek. Ku looi yath, aa guɛŋ ë tim ku kum kɔ̈u në ateek, ku tɛ̈ɛ̈uwë ɣön de Maika.

Bäny 18:30

Go kɔc ke Dan röt luöi yath, ku kuanykï Jɔnathan wën ë Gercom, käu de Mothe, ke ye gunyden. Wɛ̈ɛ̈tke acïk bɛ̈n ŋoot ke ke ye guc ke dhiën ë Dan, aɣet cï akööl ɣɔn leerë kɔc ë pɛ̈cic.

Bäny 18:5

Na wën, ke lëkkï yen an, “Thiëc Nhialic na buk lɔ tiam në ee kenydanë yic.”