Bäny 16:17 - JAM DE NHIALIC 2011

¹⁷ go lɛ̈k piɔ̈nde ëbɛ̈n, an, “Yɛn kënë rëët kɔn lɔ ë yanɔm ë caŋɣɔn dhiëëthë ya, yɛn ee ayul de Nhialic (raan cï kuëëŋ bï rɔt gäm Nhialic) na mut a nɔm, ke riɛldï aduëër jäl ë yaguöp ku yɛn duëër ciët raan tei.”

Bäny 16:17 ပူးပေါင်းရင်းမြစ်များ

Kɛ̈ŋ 12:23

Kɔc ee nïïm tiëër ayek kethook tiit, ku thuäär dhän thook në ka ɣääriic.

Kɛ̈ŋ 13:3

Tiët ë thok ee wëi gël, ku wël ye dɛɛny ayek raan riɔ̈ɔ̈k.

Kɛ̈ŋ 29:12

Bɛ̈ny ee piŋ ë tör ë lueth, aye bäny nu yecök rac aya.

Maika 7:5

Du kë lueel ë raan rɛ̈ɛ̈r wek ee bɛ gam, ku du mɔ̈th ee bɛ ŋɔ̈ɔ̈th. Ayï tiiŋduön man nin në yïyɔu, ye yïliep tiit në yen.

Kuɛ̈n 6:2

‘lɛ̈kë kɔc ke Yithriɛl an të cïï raan kuëëŋ në kuëëŋ ë yuul, moc ku nɔn ee yen tik, ku cï gam nɔn bï yen rɔt gäm Bɛ̈nydït,

Kuɛ̈n 6:5

Ku në aköölkɛn ke yuuliic kedhie, ë cïï mut nɔm taitai agut të bï aköölkë kɔn thök, akööl cï yen rɔt gäm Bɛ̈nydït, abï yic dhil ɣɛɛr. Ë pɛ̈l e nɔm nhïm abï nɔm lɔ loplop.

Luɔi 18:18

Na wën, ke Paulo ŋoot ke rɛ̈ɛ̈r ëtɛ̈ɛ̈n ë nïn juëc, na ɣɔn, ke tɔ̈ŋ wäthii, ku jël le Thiriya në abël, ku cath Pirithila ku Akula në yen, acï e nɔm muut ë Kenkuria: në këde jam wään cï lɛ̈k Nhialic.

Bäny 13:5

Në luɔi bï yïn liac ku dhiëth mɛwä, acï bï aa muut nɔm në luɔi bï ye gäm Nhialic ke ye ayul (raan cï kuëëŋ ku gëm rɔt Nhialic) ë nɔn töŋ ë dhiëëthë ye, ku abï Yithriɛl luäk bei ë kɔc ke Pilithiin cin.

Bäny 16:16

Na ɣɔn, aacï cool ë jut en guöp ee wëlkë aköölnyïïn ëbɛ̈n, ke jɔ piɔ̈u bäp abïï thuɔɔu ŋuöön,

Bäny 16:18

Na wën, acï Delila ye tïŋ ke cï yepiɔ̈u lɛ̈k en ëbɛ̈n ë yic, ke jɔ bäny ke Pilithiin cɔɔl an, “Bɛkï bɛ̈n nyɔk. Acï ya lɛ̈k yic.” Go bäny ke Pilithiin bɛ̈n ke ke muk wëu në kecin.