Bäny 15:15 - JAM DE NHIALIC 2011

¹⁵ Na wën ke kuany yuɔɔm de mul gëm, ë dhɔt piny ku nɛ̈k en agum de kɔc.

Bäny 15:15 ပူးပေါင်းရင်းမြစ်များ

2 Tham 23:8

Kakë ayek rin ke rem ë tɔŋ ë Debid: raan tueŋ ee Jocep Bathcebeth, raan wun ë Takemon, yen aye bɛ̈ny de diäk. Acï thɔ̈ɔ̈r kekë bot kabɛ̈t de kɔc ke muk tɔŋde, ago keek nɔ̈k kedhie në tɔŋ tökic.

Lebai 26:7

Wek bï kɔc dɛ wek ater cop, ku abïk aa wïïk ë wenïïm në abätäu

Lebai 26:8

Kɔc kadhïc ë weyiic abïk buɔ̈t aa cop, ku buɔ̈t ë weyiic abï aguum kathiëër aa cop. Ku kɔc dɛ wek ater, abïk aa wïïk ë wenïïm në abätäu.

Ɣeberuu 11:34

Keek acïk bɛ̈n poth në manydïït ajaŋjaŋic, ku acïk poth abätɛ̈ɛ̈u ë kɔc ke ater thook. Aake kɔ̈c, ku acïk bɛ̈n riɛl në tɔŋic, ku yen aa tiɛɛm kek kɔc lei.

Jocua 23:10

Raan tök në weyiic ee agum ë raan cop, në luɔi biök ë Bɛ̈nydït Nhialicdun ë tɔŋdunic, cït man wään cï en ë lueel.

Bäny 15:16

Ago Thamthon ket an, Yɛn cï agum de raan nɔ̈k, në yuɔɔm de mul gëm.” “Yɛn cï kɔc dɔ̈ɔ̈r nïïm, në yuɔɔm de mul gëm.

Bäny 15:17

Na wën cïï yen thök ë jam, go yuɔɔm de mul gëm cuat wei, go tɛ̈n cäk an, “Ramath Leɣi.”

Bäny 3:31

Ku bɛ̈ny ee löŋ guiir däŋ ee Camagar wën ë Anath. Yen ayadäŋ ë Yithriɛl luök, në luɔi cï yen bot kadhetem (600) ke kɔc ke Pilithiin nɔ̈k në thieny ye ɣɔ̈k kuaath.

Bäny 4:21

Thithera acï dak arëët, go tɔ̈c ku niin aläldïïtë. Go Jayel tiiŋ de Ɣeber bɛ̈n ë määth ku nɛ̈k në piëët piëët en löny de paany në ye thɔ̈ɔ̈ŋ abï löc lɔ paal piny.

Bäny 7:16

Ku tek kɔc bot kadiäk (300) në akuut kadiäk (3), ku ye ŋɛk yiëk cin tuŋ. Ku töny lääuwiic, ku many de kuthyuui ë tönyic.

1 Tham 14:14

Në ee tɔŋ tueŋë yic, Jɔnathan kekë dhuŋ muk kakɛn ë tɔŋ, acïk Pilithiin kathiërrou bɛ̈n nɔ̈k, në kaam cït pëër ë lɔ̈ɔ̈ric.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”