Bäny 14:5 - JAM DE NHIALIC 2011

⁵ Ago Thamthon lɔ Timena kekë wun ku man. Na jɔkï ɣëët ë duum ke enap ke Timena lɔ̈ɔ̈m, go aduur ë köör ŋäär ke bɛ̈k Thamthon.

Bäny 14:5 ပူးပေါင်းရင်းမြစ်များ

2 Tham 23:20

Ku Benaya wën ë Jeɣoyada, ee raan däŋ ŋic, ee raan wun ë Kabedhiil, ku cï kake jööt juëc looi, acï jööt ke Mowap kaarou nɔ̈k. Acï köör kɔn lɔ nɔ̈k aya ë pulic në kööl cïï pïïu rɔ̈k.

1 Lëk 11:22

Benaya wën de Jeɣoyada, raan wun ë Kabedhiil aaye raan cï wɛ̈ɛ̈t ë tɔŋ aläl, acï kake riɛl juëc looi, acï kɔc ril ke tɔŋ de kɔc ke Mowap nɔ̈k, go lɔ ɣön ë köör në kööl tueny ë deŋ kɔi ku teem köör röl.

Diɛt 91:13

Kɔ̈ɔ̈r ku karɛc abä keek aa dumiic, kɔ̈ɔ̈r cï wäth, ku karɛc de thook wurïï.

Jeremia 2:15

Ayek yiic ŋun në biäkde cït kɔ̈ɔ̈r, acïk pinyde tɔ ye jɔ̈ɔ̈r, ku cï pɛ̈ɛ̈nydïtke nyääŋ piny në riääkic ëbɛ̈n.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Jocua 15:10

ku le rɔt tiɔ̈ɔ̈t kuur ë Their në Baala baŋ të lɔ aköl athɛ̈i, ku tëëk në Kuur ë Jirim kɔ̈u baŋ të lɔ rut (Jiriim yen acɔl Cathalon ayadäŋ), ku tëëk ë Beth Cemec, ku le Timena winy thok.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

Bäny 14:4

Aa kuc ë wun kekë man nɔn yen Bɛ̈nydït yen tɔ Thamthon loi ee kënë, në baŋ kɔɔr ë Bɛ̈nydït kueer bï Yen tɔŋ looi kekë kɔc ke Pilithiin. Ɣɔn në aköölkë yiic Pilithiin aake ceŋ kɔc ke Yithriɛl.

Bäny 14:6

Go riɛl ë Wëi ke Bɛ̈nydït bɛ̈n ë yeguöp, go köör ŋuany gëm ku reetic cït kë ret amɛthɔ̈kic, ke cïn kë muk ë yecin. Ku akën kë cï looi lɛ̈k wun kekë man.

1 Tham 17:35

aya gïth ku piät wo yen, ku luäk thɔ̈k bei. Ku të cïï köör ku nɔn yen köör ayuääl, rɔt puɔ̈k ɛn, aya ŋuany röl ku näk.