Bäny 14:19 - JAM DE NHIALIC 2011

¹⁹ Na wën ke Wëi ke Bɛ̈nydït ë ke bɔ̈ ë yeguöp, ku jɔ lɔ Acekelon, le ku nɛ̈k kɔc kathiërdiäk, ku yɔɔt lupɔɔ piɛth ë kekɔ̈ɔ̈th, ku gëm lupɔɔken kɔc ë meek këdäŋ. Ku jɔ lɔ dhiënden ke cï gɔ̈th arëët,

Bäny 14:19 ပူးပေါင်းရင်းမြစ်များ

Bäny 1:18

Go Juda Gadha nööm, ku Acekelon ku Ekeron kekë wuöt thiääk në keek.

Bäny 13:25

Ku jɔ Wëi ke Bɛ̈nydït meth tɔ ril në akööl ɣɔn rëër en ë kaam de Dhora ku Ecetawol wun ë Dan.

Bäny 14:18

Ago kɔc ke pänydït bɛ̈n ke akɔ̈l ë kën lɔ piny ë akööl ë dhorou an, “Ee kënou mit arëët, awär miök de kiëc? Ku eeŋö ril aläl awär köör?” Ago Thamthon bɛ̈ɛ̈r an, “Na ë we kën pur në weŋdï, adï kɛ̈nkï meekdiënë mɛɛk.”

Bäny 14:6

Go riɛl ë Wëi ke Bɛ̈nydït bɛ̈n ë yeguöp, go köör ŋuany gëm ku reetic cït kë ret amɛthɔ̈kic, ke cïn kë muk ë yecin. Ku akën kë cï looi lɛ̈k wun kekë man.

Bäny 15:14

Na wën aacï ɣëët Leɣi, go kɔc ke Pilithiin bɛ̈n të nu yen ke ke kïïu. Go Wëi ke Bɛ̈nydït guɔ bɛ̈n ë yeguöp ëthiäu ku tɔ ril. Go awiɛɛth ë tɔ̈u ë ye kök ku yecin guɔ ciët alanh cï dëp ë mac, ku jɔkï guɔ lööny wei.

Bäny 3:10

Othaniɛl aaye bɛ̈ny ë lööŋ guiir ë Yithriɛl, na wën ke Wëi ke Bɛ̈nydït ë ke bɔ̈ ë yeguöp, go Othaniɛl lɔ tɔŋ, ago Bɛ̈nydït yen tɔ tiam Kucan Ricathiam melik de Methopotamia.

1 Tham 11:6

Na wën, aa piŋ Thaulo ee kënë, ke dɔm ë Wëi ke Nhialic, ago ŋeeny arëët.

1 Tham 6:17

Yen luɔi ë gëmë kɔc ke Pilithiin miɔ̈c de awäc Bɛ̈nydït ka, aake ye ŋoiŋooi ka adhääp kadhïc ke ke thöŋ në pii, tök ke wun tök në wuötken yiic: Acedɔd ku Gadha, ku Acekelon, ku Gath, ku Ekeron.

1 Tham 6:4

Go kɔc ke Pilithiin ke luɔp an, “Ku ee miɔ̈c de awäc cït ŋö buk jɔ gäm en?” Agokï puk nɔm an, “Luɔikï ŋoiŋooi ka adhääp kadhïc ke ke kït gup, ku cuɛ̈ckï cuɔl kadhïc në adhääp thöŋkï ke kuën ke bäny ke Pilithiin kedhie, në luɔi ë cïï jɔk we dɔm wedhie ayï bänykun kedhie kadhïc.