Bäny 14:16 - JAM DE NHIALIC 2011

¹⁶ Go tiiŋ ë Thamthon dhiau ë yenɔm, ku lueel, an, “Yïn man ɛn, yïn cïï ya nhiaar, yïn cï mïth ke kɔckuɔ lɛ̈k kë meekkï, ku cïï ya lëk wɛ̈ɛ̈rde yen yic.” Ago pɔ̈k nɔm en, an, “Akɛ̈n lɛ̈k wäär kekë maar, ka eeŋö duëër en e lɛ̈k yïn?”

Bäny 14:16 ပူးပေါင်းရင်းမြစ်များ

Cäk 2:24

Yen abï moc wun aa puɔ̈l ku pɛ̈l man, ku mɛ̈t ke tiiŋde, agokï aa guöp tök keek kaarou.

Bäny 14:17

Na wën, ke dhiau ë yenɔm ë akööl kadhorou ŋoot ë këcam, na wën ë kööl ya akööl dhorou ke jɔ lɛ̈k en, në luɔi cï yen e cuil guöp, ago meek lɔ lɛ̈k kɔckɛn ke Pilithiin.

Bäny 16:15

Na wën, ke lueel, an, “Eeŋö ee yïn e lueel, an nhiaar ɛn, ku kë luel aliu në yïpiɔ̈u? Yïn cï ya math raandiäk, ku cïï ya lëk kë tɔ yïn riɛl.”

Bäny 16:16

Na ɣɔn, aacï cool ë jut en guöp ee wëlkë aköölnyïïn ëbɛ̈n, ke jɔ piɔ̈u bäp abïï thuɔɔu ŋuöön,