Bäny 13:5 - JAM DE NHIALIC 2011

⁵ Në luɔi bï yïn liac ku dhiëth mɛwä, acï bï aa muut nɔm në luɔi bï ye gäm Nhialic ke ye ayul (raan cï kuëëŋ ku gëm rɔt Nhialic) ë nɔn töŋ ë dhiëëthë ye, ku abï Yithriɛl luäk bei ë kɔc ke Pilithiin cin.

Bäny 13:5 ပူးပေါင်းရင်းမြစ်များ

2 Tham 8:1

Na ɣɔn, ke melik Debid ë be Pilithiin mak, ku tiɛɛm keek, ku nööm wun cɔl Methek Amma.

1 Lëk 18:1

Na ɣɔn aacï nïn lɔ, go melik Debid Pilithiin bɛ mak ku tiɛɛm keek. Go pänydït de Gath ë mɛckï peec kekë bɛ̈i thiääk ë yen.

Amoth 2:11

Yɛn cï wɛ̈ɛ̈tkun kɔ̈k tɔ ye tït ke Nhialic, ku ta kɔ̈k ee ayuul ke Nhialic cï kuëëŋ ku gëmkï röt ɛn. Kë lɛ̈k week cie yic, wek kɔc ke Yithriɛl? Kë cïï Bɛ̈nydït lueel ka.

Kuɛ̈n 6:5

Ku në aköölkɛn ke yuuliic kedhie, ë cïï mut nɔm taitai agut të bï aköölkë kɔn thök, akööl cï yen rɔt gäm Bɛ̈nydït, abï yic dhil ɣɛɛr. Ë pɛ̈l e nɔm nhïm abï nɔm lɔ loplop.

Luk 1:15

Abï dït ë Bɛ̈nydït nyin, ku acïï bï aa dek ë mɔ̈n tuc ayï mɔ̈u ëbɛ̈n, ku abïï Wëidït ɣer thiɔ̈ɔ̈ŋ piɔ̈u ë kööl dhiëëthëye.

Bäny 16:17

go lɛ̈k piɔ̈nde ëbɛ̈n, an, “Yɛn kënë rëët kɔn lɔ ë yanɔm ë caŋɣɔn dhiëëthë ya, yɛn ee ayul de Nhialic (raan cï kuëëŋ bï rɔt gäm Nhialic) na mut a nɔm, ke riɛldï aduëër jäl ë yaguöp ku yɛn duëër ciët raan tei.”

1 Tham 1:11

Ku kuëëŋ mël ku lueel an, “Bɛ̈nydït de rɛm, tïŋ ɛn yɛn lïmdu! Tïŋ ee nuandïït cï ya yökë, ku tak ɛn! Du nɔm mär në yɛn! Gämë ya mɛwä, ku të le yïn e gäm ɛn, abä gäm Bɛ̈nydït bï aa këde në pïïrde yic ëbɛ̈n, ku acï bï kɔn muut nɔm anande.”

1 Tham 7:13

Gokï kɔc ke Pilithiin jɔ tiaam, ago Bɛ̈nydït ke pɛ̈n luɔi peec kek wuöt ke Yithriɛl wään ŋoot ë Thamwɛl ke pïïr.