Bäny 13:20 - JAM DE NHIALIC 2011

²⁰ Të wën jɔ liem de lɔ̈k ë mac lɔ pat nhial ë yïk nɔm, go tunynhial ë Bɛ̈nydït lɔ nhial ë lɔ̈kic. Na wën tïŋkï ee kënë, yen Manowa kekë tiiŋde gokï kenïïm guöt piny.

Bäny 13:20 ပူးပေါင်းရင်းမြစ်များ

Cäk 17:3

Ago Abram yenɔm guöt piny, ku jiɛk piny në yenɔm. Go Nhialic lɛ̈k en an,

2 Mel 2:11

Na wën, aa ŋootkï, ke ke cath, ke ke jam, go abël ë mac thel ë jöŋgöör ke mac tuöl ë thiäu, ku tek keyiic, go Elija lɔ paannhial në kɔɔr.

1 Lëk 21:16

Go Debid tunynhial ë Bɛ̈nydït tïŋ ke kääc e kaam de të nhial ku piny, ke muk abätäu ë yeciin, ke cï rɔt coc bï Jeruthalem riɔ̈ɔ̈k. Go Debid ku bänyke ke ke ceŋ lupɔɔ ke cual ë kekɔ̈ɔ̈th, gokï kenïïm guöt piny abïk piny jak ë kenïïm.

1 Lëk 21:21

Ee tëthiinë ke Arauna tïŋ melik Debid ke bɔ̈ tëde yiɛɛu, go yiɛɛu nyääŋ piny, ku loor melik nɔm ku gut yenɔm piny abï piny jak ë yenɔm.

1 Lëk 21:26

Go yïïŋ de Bɛ̈nydït yïk ëtɛ̈ɛ̈n, ku gɛm miɔ̈c ye nyop ëbɛ̈n, ku miɔ̈c de mät. Ago lɔ̈ŋ, go Bɛ̈nydït lɔ̈ŋde bɛ̈ɛ̈r ku tɔ mac tɔ bɔ̈ paannhial bïï miɔ̈c bɛ̈n nyop ë yïk nɔm.

Diɛt 47:5

Nhialic ee lɔ nhial në thööcde nɔm. Ade awuɔɔu de miɛtëpiɔ̈u ku kuöth de kɛŋ ëtɛ̈ɛ̈n, të le Bɛ̈nydït nhial.

Edhekiɛl 1:26

Në gëlgël nɔm nhial ade kë cït thööc cï looi në kuur cɔl thapiro, ku kë cït raan acï nyuc në yenɔm.

Edhekiɛl 1:28

ku ade yic kïït ke mïït kedhie. Kënë aaye many riau nyooth täu de Bɛ̈nydït.

Danyel 10:9

Wën piɛŋ ɛn en röl, guɔ wïïk piny ka ya cï thöök, ku ja tɔ̈u piny ëtɛ̈ɛ̈n ke ya gut yanɔm piny.

Lebai 9:24

Ago mac bɛ̈n bei në Bɛ̈nydït lɔ̈ɔ̈m, ku thöl miɔ̈c ye nyop ëbɛ̈n kekë biäk cuai nu ë yïk nɔm. Na wën aa tïŋ ë kɔc kedhie, agokï kiɛɛu de miɛt de piɔ̈u moc, ku gutkï kenïïm piny lamkï Bɛ̈nydït.

Math 17:6

Na wën, aacï kɔcpiööcë e piŋ, ke ke gut kenïïm piny, acïk piɔ̈ɔ̈th päu.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Bäny 6:19

Ago Gidiɔn lɔ ɣöt, ku thɛɛl amɛthɔ̈k, ku kuïn cï pam në aɣaar cïn yic luɔu ee kilɔɔ kathiëër. Go rïŋ tääu ë diöny yic ku tɛ̈ɛ̈u cuaai në gulic, yïn keek tunynhial ë Bɛ̈nydït nu ë tim de ɣok thar, ku gëm ke yen.

Bäny 6:21

Go tunynhial kuïn cï pam, ku rïŋ jak në thieec nɔm, thieny wën muk ë yeciin. Go mac bɛ̈n në kuuric, ku nyop rïŋ kekë kuïn cï pam. Ku jɔ tunynhial ë Bɛ̈nydït guɔ määr në yenyin.