Bäny 11:10 - JAM DE NHIALIC 2011

¹⁰ Go röördït ke Giliyad bɛ̈ɛ̈r, an, “Bɛ̈nydït ee cäätɔda, abuk looi cït man ë kë cï lueel.”

Bäny 11:10 ပူးပေါင်းရင်းမြစ်များ

Cäk 16:5

Ago Tharai lɛ̈k Abram an, “Kë yɔŋë Ɣajer ɛn acath ke yïn. Ee yɛn ë gëmë yïn, yɛn guöpdï. Ku nɔn ë yök en rɔt ke liac, ke cak luɔi yen awoi ke biɔn a guöp. Bɛ̈nydït Yen abï raan de nɔm yic tïŋ në woyiic, nɔn ee yïn ku nɔn ee yɛn.”

Cäk 21:23

Ku ënɔɔnë, kuëëŋë në rin ke Nhialic në yanɔm eenë, nɔn cïn ɛn bï math wokë mïthkï, ku lɔ mïth bï bɛ lɔ̈ɔ̈k tɔ̈u në yacök. Yïn ya riëëu, ku ënɔɔnë luel nɔn bï yïn a riëëu, ku riëëuwë piny rëër yïn thïnë.”

Cäk 31:50

Të le yïn duetkï kuöc ciëëŋ, ku nɔn ee yen thiëŋ thiëëk yïn duetkï kɔ̈ɔ̈th, ke ŋic nɔn cïn en raan däŋ ee cäätɔ pei në kaamdï wo yïn, ee Nhialic guöpde.”

Cäk 31:53

Ku Nhialic de Abraɣam kekë Naɣor, ku Nhialic de wunden Yen abï yic aa tïŋ në kaamda.” Ago Jakop kuëëŋ në rin ke Nhialic ye Yithaak wun lɔ̈ŋ, nɔn bï yen ë thönë döt.

Bɛ̈n 20:7

“Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.

Jeremia 29:23

Kënë abï aa riääkden në biäk cï kek karɛc looi, acïk diëër lei kɔɔr ku acïk lueth lueel ë rin ke Bɛ̈nydït. Kënë acie këde Bɛ̈nydït piɔ̈u, Yen aŋic kë cïk looi, ku ee cäätɔ de kërɛɛc cïk looi. Acïï Bɛ̈nydït lueel.”

Jeremia 42:5

Na wën ke lɛ̈kkï yɛn an, “Në Bɛ̈nydït bï aa yic ku ye cäätɔ adöt ë kaamda na cuku lööŋ kedhie lɔ riëëu, lööŋ bï Bɛ̈nydït ke gäm yïn ë biäkda.

Maika 1:2

Go Maika lueel an, “Piɛŋkï wek juöör cieŋ pinynɔm ëbɛ̈n! Bɛ̈nydït Nhialic yen abï kërɛɛc cäk looi nyuɔɔth ëgɔk. Piɛŋkï! Abï jam ke nu luaŋdɛn ɣeric paannhial.

Dhek 5:4

Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

2 Kor 11:31

Nhialic Wun Bɛ̈nydan Yecu Kërtho, yen aŋic en nɔn cän lueth tör, yen acath ke athiɛɛi aɣet athɛɛr.

Nyöŋ 1:16

“Guɔ bänykun yɔ̈ɔ̈k an, ‘Yak lööŋ ŋiëc guiir në kaam de kɔc ke Yithriɛl kapäc, ku yak löŋ ŋiëc guiir aya në kaam de Yithriɛl kekë kɔc lei.

Bäny 11:9

Ago Japetha bɛ̈ɛ̈r an, “Na lɛɛrkï ya ciëën baai, bä lɔ thɔ̈ɔ̈r wokë kɔc ke Ammon, ku lɔ Bɛ̈nydït keek tɔ tiaam, yɛn bï aa bɛ̈nydun?”

1 Tham 12:5

Ago Thamwɛl lɛ̈k keek an, “Bɛ̈nydït, ku jɔ aa melik cï lɔc ayï kɔc daai ee köölë acïk a yök ke ya cïn kë cä wööc.” Agokï gam an, “Ɣɛɛ, Bɛ̈nydït ee cäätɔ tëde wook, në jamdun.”

1 Tham 24:12

Bɛ̈nydït abï raan de guöp awäc tïŋ në kaamda wokë yïn! Ku Bɛ̈nydït abï kërɛɛcduön ye luöi ɛn cool nɔm, ku yɛn guöpdï, yɛn cïï yaciin bï tääu në yïguöp.