Bäny 10:16 - JAM DE NHIALIC 2011

¹⁶ Gokï yiëth ke juöör nyaai në ke yiic, ku lamkï Bɛ̈nydït, go Bɛ̈nydït bɛ diɛɛr në yaaŋ de Yithriɛl.

Bäny 10:16 ပူးပေါင်းရင်းမြစ်များ

Cäk 6:6

Bɛ̈nydït ë piɔ̈u bɛ̈n gɔ̈ɔ̈i në kë ë ciëk raan.

2 Mel 13:23

ku Bɛ̈nydït ee piɔ̈u adhuɛ̈ŋ ku ye piɔ̈u kok ke keek. Acïï keek duëër tɔ riäk, aye ke kuɔny në biäk de mände kekë Abraɣam, ku Yithaak, ku Jakop akën nɔm määr në kɔcke.

2 Lëk 15:8

Na wën aa piŋ Atha wël cï tiët Adharia wën ë Oded ke caar, acï yen bɛ̈n gäm riɛl ë piɔ̈u. Ago yiëth riɔ̈ɔ̈k kedhie yiëth tɔ̈u ë Juda ku Benjamin, ku lɔ yiëth kedhie nu ë pɛ̈ɛ̈nydït cï ke peec piny ë kuur de Eparaim yic. Ku tɔ yïïŋ de Bɛ̈nydït tɔ nyɔk ë luɔi, yïïŋ nu ë kal de Luaŋdït yic cil.

2 Lëk 33:15

Acï yiëth alɛi tɔ nyɛɛiyë ku tɔ ka cï cuëëc ɣɔn bïï tääu në Luaŋdïtic nyiɛɛiyë, ku nyiɛɛi yïk ke yiëth ɣɔn tɔ̈u në kuur nɔm të wään tɔ̈u Luaŋdït ë yenɔm, ku nyiɛɛi ɣään kɔ̈k tɔ̈u nu ë Jeruthalem, go ee kake kedhie tɔ leerë wut këc biic ku cuɛtë keek wei.

2 Lëk 7:14

na lɔ kɔckiën cï cɔɔl ë rinkï röt kuɔɔr piny, ku pukkï kepiɔ̈ɔ̈th, ku lɛ̈ŋkï ke ke kɔɔr yɛn, ku pɛ̈lkï awɛ̈ɛ̈cken, abä piŋ paannhial, ku yɛn bï awɛ̈ɛ̈cken päl keek, ku ta duumken lok në rap.

Diɛt 73:21

Wään cän piɔ̈u jiɛth ku tuöc piɔ̈u wokë täk.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Ɣodh 11:8

“Duɛ̈ɛ̈r week jɔ päl wei adï, kɔc ke Eparaim? Duɛ̈ɛ̈r week gam wei adï, wek kɔc ke Yithriɛl? Duɛ̈ɛ̈r week riɔ̈ɔ̈k taitai adï cït päny de Adama, ku nɔn luöi week kë cä luöi Dheboyim? Acïï ë piɔ̈ndï duëër tɔ luɔɔi! Nhiëërdiën nhiaar Ɛn week adït aläl.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Luk 15:20

Go rɔt jɔt, bï tëde wun. Na wën, ke tïŋ wun ke ŋoot ke mec, go piɔ̈u kok ke ye, ku jɔ kat, le ku kuɛk yeth, ku ciim.

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Jɔn 11:34

Go lueel an, “Cäk tɔ̈ɔ̈u tënou?” Gokï lueel an, “Bɛ̈nydït, bä tïŋ.”

Epethiei 4:32

ku yak röt theek wapäc, yak piɔ̈ɔ̈th kok ë röt, abäk röt aa pɔ̈l, ë ŋɛk ë ye ŋɛk päl kë cï wööc, cït man cï Nhialic we pɔ̈l në biäk de Kërtho.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Ɣeberuu 3:10

Yen kë ë gɔ̈th Ɛn wok ee remë ka, ku luɛɛl an, ‘Ayek cool ë wäc käŋ ë kepiɔ̈ɔ̈th, ku kuckï kuɛɛrkï.’

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

Jocua 24:23

Go Jocua lueel an, “Na cäk gam aya, ke we cuɛt yiëth cath në week wei taitai abï cïn tök. Ku nhiaarkï Bɛ̈nydït Nhialicdun në wepiɔ̈ɔ̈th ëbɛ̈n.”

Bäny 2:18

Të cïï Bɛ̈nydït bɛ̈ny ee löŋ guiir bɛ̈ɛ̈i, Bɛ̈nydït ee tɔ̈u kekë bɛ̈ny abïï keek luäk bei në kɔc ee ke yɔŋ cin të pïïr en. Bɛ̈nydït ee piɔ̈u kok ke keek, në luɔi cï dhiëndɛn ye kek dhiau në yaaŋ yɔŋë keek Bɛ̈nydït puk piɔ̈u.

1 Tham 12:10

Na wën ke ke jɔ dhiau ku lɛ̈ŋkï Bɛ̈nydït bï keek kony an, ‘Wok cï awäc looi, në biäk cï wok kueerdu puɔ̈l Bɛ̈nydït, ku lamku yiëth ke Baal ku Acetaroth. Kony wook në kɔc ke aterda, ku Yïn buk lɔ̈ŋ!’

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”

1 Tham 7:4

Ago Yithriɛl yiëth ku ka ye lam nyuɔp piny, ayï Baal ku Acetaroth. Ku jɔkï Bɛ̈nydït lɔ̈ŋ Yetök.